स्याङ्जा परिवार किम्हे/बुसान शाखाको बनभोज कार्यक्रम सम्पन्न, साईकल यात्रीहरु भए सम्मानित

कोरियाको स्याङ्जा परिवार किम्हे/बुसान शाखाले अक्टोबर २९ र ३० तारिक दुई दिने रमाईलो वनभोज कार्यक्रम सम्पन्न गरेको छ । किम्हे बुसान आसपासको स्याङ्जालीहरुको आपसी सद्भाव अभिवृद्धि गर्ने उद्धेश्यले शुभ दिपावलीको अवसरमा पारेर आपसी परिचयात्मक कार्यक्रम सहित गजेदो सहर नजिकै (부산 강서구 가덕 해안로 590)मा संस्थाले उक्त बनभोज कार्यक्रम आयोजना गरेको हो ।

सोही अवसरका विच काेरियामा रहेका नेपाली साईकल टोली The Himalyan Cycle Team का गाेल्ड मेडलिष्ट साईकल यात्रीहरुहरुलाई सम्मान गरेको छ । प्रवासी जीवन र व्यस्त समयकाे बाबजुद पनि नेपालमा रहेकाे संसारको “सर्वोच्च शिखर सगरमाथा”लाई प्रवर्द्धन गरिरहेका साईकल यात्रीहरु सुर्य बहादुर गुरुङ, शम्भु धिमाल, नवराज सुवेदी र प्रकाश अधिकारीलाई सम्मान गरिएको हो । इपिएस मार्फत काेरियामा काम गरिरहेका नेपाली साईकल यात्रीहरुले गत वर्ष (2021) काे छुसकमा काेरियाकै सबैभन्दा लामाे दुरि ( Longest Cycle Route Of Korea, Seoul to Busan 633km) मा रहेकाे सउल-बुसान साइकल मार्ग नेपाली झण्डा फहराउँदै पूरा गरेका थिए । उनीहरुले काेरियाकाे (Certificate Of Cross Country Cycling Road) र गाेल्ड मेडल (Gold Medal) समेत प्राप्त गरिसकेका छन् ।

अति सौहार्दपूर्ण वातावरणमा ब्यापक सहभागिता भएको स्याङ्जा परिवार किम्हे/बुसान शाखाले आयोजना गरेको रमाईलो बनभोज कार्यक्रममा उपस्थित र आर्थिक, भौतिक र नैतिक सहयोग गर्ने सम्पूर्ण महानुभावहरु तथा संस्था सम्बद्ध व्यक्तित्वहरुलाई आयोजक संस्थाले हार्दिक धन्यवाद व्यक्त गरेको छ ।