प्रेमगीत ३ को कोरिया (जिन्छन शो) अक्टोबर ०९ मा हुने
विश्वभर एकैपटक रिलिज भएको हिन्दी भाषमा समेत डबिङ भई नेपाली चलचित्र ईतिहासमै नौलो आयाम थप्न सफल बहुप्रतिक्षित नेपाली कथानक चलचित्र प्रेमगीत ३ यही अक्टोबर ०९ तारिक ख्वाङ्ग्वेन् पूल क्लबको आयोजनामा कोरियास्थित जिन्छन मेघा बक्समा प्रदर्शन हुने भएको छ ।
जिन्छनको बस टर्मिनलसँगै रहेको मेघाबक्स हल सम्भवत: कोरियामा नेपाली चलचित्र प्रदर्शन गर्ने हलहरु मध्ये सबैभन्दा सुविधा सम्पन्न अत्याधुनिक हल भएको आयोजकको दावी छ । कोरोना कहरबाट कोरियाको जनजीवन सामान्य बन्दै गएको अहिलेको स्थितिमा नेपाली जनसमुदाय विचको आपसी सद्भावको निरन्तरता साथै नेपाली चलचित्रलाई प्रोत्साहन दिने उद्धेश्यले चलचित्र प्रदर्शनको तयारीमा चलचित्र प्रदर्शन व्यवस्थापक तेज गुरुङले बताए ।
उक्त चलचित्रको पहिलो शो दिनको ०१:०० बजे गरिने र चलचित्र हेर्नको टिकट शुल्क ३० हजार कोरियन वोन तोकिएको र सो टिकटसँगै दर्शकलाई पपकर्न नि:शुल्क दिईने आयोजकले जनाएको छ ।
यसभन्दा अघि सोही हलमा कबड्डी ४ को सफतापूर्वक भव्य प्रदर्शन गरिएको थियो । चलचित्र हेरेर भरपूर मनोरञ्जन लिनुहुन कोरियास्थित सम्पूर्ण नेपाली दाजुभाई तथा दिदीबहिनीहरुमा आयोजक ख्वाङ्ग्वेन् पूल क्लबले हार्दिक अनुरोध गरेको छ ।
