छङ्ऊप नेपाली एकता समाजले अक्टोबर ०८ मा दशैं मनाउने
प्रवासमा रहेर पनि नेपाली परम्परा, संस्कार, संस्कृतिको सम्मान र जगेर्ना गर्ने उद्वेश्यका साथ कोरियाको छङ्ऊप स्थित 정읍시 2 공단 CU 3 अगाडिको पार्कमा छङ्ऊप नेपाली एकता दक्षिण कोरियाले २०७९ सालको बडा दशैंको पावन अवसरमा शुभकामना आदानप्रदान तथा विविध साँस्कृतिक कार्यक्रम गर्ने भएको छ । समाजले आफ्नो गतिविधिलाई चलायमान गराउँदै विविध साँस्कृतिक कार्यक्रम सहित दशैं मनाउने तयारी गरेको हो ।
कोरियाको दक्षिणी भेग छल्लाफोक्दो क्षेत्र अन्तर्गत पर्ने थेईन, जुल्फो, गोछन, खाम्गुक र सिन्थेइन लगायतका ठाउँमा रहेका नेपालीहरुलाई समेट्दै यस वर्षको दशैं कार्यक्रम आयोजना गरिएको समाजका अध्यक्ष राम थापा मगरले बताए । दशैंको धार्मिक परम्परा अनुसार अग्रज तथा मान्यजनबाट टिका-जमरा ग्रहण गर्ने र आशीर्वाद लिने प्रचलनलाई कायम राख्दै यो महत्वपूर्ण अवसर प्राप्त गर्न सकिने साथै नेपाली स्वादिष्ट भोजनको व्यवस्था गरिने सोही समाजका सचिव दधिराम भट्टराईले थापाले प्रष्ट पारे ।
स्थानीय कलाकारहरु रुबिन र्यापर, जोजो दोर्जे, रोनिङ राई र पवन सुवेदी लगायतको विशेष प्रस्तुति रहने सो कार्यक्रममा कोरियास्थित नेपाली दाजुभाई तथा दिदीबहिनीहरुमा कार्यक्रममा पाल्नुभई सभ्य र भव्य रुपमा सफल बनाउनुहुन आयोजक छङ्ऊप नेपाली एकता समाजले हार्दिक अनुरोध गरेको छ ।
