कोरियाबाट स्याङ्जा कालीगण्डकीका दुई परिवारलाई पौने दुई लाख रुपैंया सहयोग
स्याङ्जा जिल्लाको कालीगण्डकी गाउँपालिका स्थितको दुई पिडित परिवारलाई कृष्ण गण्डकी समाज दक्षिण कोरियाको पहलमा संकलित रु. १,७२,३५० सहयोग गरेको छ ।
कालीगण्डकी गाउँपालिका वडा नं. ७ मिर्मी पालिचौर निवासी ब्लडक्यान्सर विरामी कृष्णप्रसाद भट्टराईको भरतपुर अस्पतालमा उपचारका लागि अभियान चलाउँदै गरेपनि उपचारको क्रममा मृत्यु भएपछि बिरामीको बुवा, श्रीमतीलाई रु. ८६,१७५/- छोरी कृषाको १० बर्षे बालबचत मुद्धती खातामा जम्मा रहने गरी रकम प्रदान गरिहेको हो भने सोही गाँउपालिका – ७ बरडाँडा निवासी श्री तिल बहादुर थापाको बिगत ५ वर्ष देखि मेरुदण्ड रोग (प्यारालाईसिस) उपचारको लागि आर्थिक अभावको कारण राम्रो उपचार नपाईरहेको अवस्थामा रु. ८६,१७५ साथै सिता कुमारी गाहा दर्लामी, छाप (हाल पोखरा कास्की तर्फबाट रु. ५५,००) गरी जम्मा एकमुष्ट रु.९१,६७५ आर्थिक सहयोग रकम हस्तान्तरण गरिएको हो ।
गत शनिवार सम्पन्न सहयोग हस्तांतरण कार्यक्रममा संस्थाका पूर्वाध्यक्ष द्धय प्रकाश भट्टराई र हरी न्यौपाने, सल्लाहकार रेम थापा, सदस्य पशुपति भट्टराई, दुर्गा भट्टराई, शेरबहादुर थापा, समाजसेवी ज्ञानप्रसाद भट्टराई,होमराज भट्टराई, शिक्षक तथा समाजसेवी रामप्रसाद भट्टराई,टंकनाथ भट्टराई, काशिराम भट्टराई, पुनम थापा, शेर बहादुर थापा तथा युवाहरु शिव न्यौपाने, बालकृष्ण भट्टराई, पिताम्वर भट्टराई , नारायण प्रसाद भट्टराई, शिक्षक कृष्ण बहादुर थापा, नन्द बहादुर गाहा, सन्देश भट्टराई, कुशल भट्टराईको उपस्थितिमा शनिबार आर्थिक सहयोग रकम हस्तान्तरण गरिएको थियो ।
मानवीय संवेदनामा रहेर सहयोग संकलन अभियानलाई सफल बनाउन प्रत्यक्ष तथा अप्रत्यक्ष रुपमा सहयोग गर्नुहुने सम्पूर्णप्रति कृष्णगण्डकी समाज दक्षिण कोरियाका अध्यक्ष टिका पाण्डेयले हार्दिक आभार तथा धन्यवाद व्यक्त गरेका छन् ।
