प्रितम गुरुङको पहिलो कोसेली “ङ्यो बालो तले ओ” सार्वजनिक
बोम्जन गुरुङ, सउल कोरिया
०५ डिसेम्बर २०२१
कोरियामा रहेका प्रितम गुरुङले गुरुङ भाषाको गीतसंगीत क्षेत्रमा डेब्यू गर्दै पहिलो सांगीतिक कोसेली स्वरुप ङ्यो बालो तले ओ (हामी एक होऔं) गीत सार्वजनिक गरेका छन् । उदयीमान गायक युबराज गुरुङ र चर्चित गायिका पुनम गुरुङको सुमधुर स्वरले सजिएको यस गीतले परिवार र मातृभूमिबाट टाढा रहेपनि प्रवासमा आफ्नो संस्कार, संस्कृति र भेषभूषा जोगाउँदै, सामाजिक कार्यमा एकताबद्ध भएर लाग्नुपर्ने र हरेक दुःखमा साथ नछोडी सँगै रहनुपर्ने सुखद सन्देश दिन खोजिएको छ ।
पुरन गुरुङकै शब्द/संगीतमा रहेको यस गीतमा उहाँकै निर्देशन रहेको छ । क्यामेरामा नौ राज गुरुङ र मोहन घले रहेका छन् भने बालकाशी गुरुङको सम्पादन र संगीत संयोजनको जिम्मा जुजु गुरुङले सम्हालेका छन् । मिठो लय/शब्द र सुमधुर संगीत र आवाजले भरिएको यो गीतको म्यूजिक भिडियोमा सुनिल गुरुङ, प्रितम गुरुङ, पुरन गुरुङ, दिब्या गुरुङ, दीपा थापा मगर र निकिता गुरुङको अभिनय देख्न सकिन्छ ।
कृष्ण गुरुङ (ब्रो) को व्यवस्थापनमा छायांकन गरिएको यस गीतको म्यूजिक भिडियोमा तमू धीं दक्षिण कोरियामा आबद्ध कलाकारहरु रहेका छन् । मालाश्री रेकर्डिङ् स्टुडियो काठमाण्डौमा गीतको रेकर्डिङ् गरिएको हो भने पोष्ट प्रोडक्सनको रुपमा मुनाल फिल्म प्रा.लि. पोखरा रहेको छ । यस गीतको म्यूजिक भिडियो २०७८ मंसिर १८ (डिसेम्बर ४) मा सार्वजनिक गर्दै अफिसियल मिडिया STREAM NEPAL यूट्यूब च्यानल मार्फत नेपाली सांगीतिक बजारमा उपलब्ध छ ।
[भिडियो हेर्न तल को यूट्यूब लिंक क्लिक गर्नुहोला ।]
