सिंजाली मगर र भिमसेन के.सी. को श्रद्धांजलि कार्यक्रम सम्पन्न
अशोक पोख्रेल –
गत हप्तता कोरीयाको यांगसन ख्ययांसन-नाम्दोमा मोटर साइकल दुर्घटनामा परि मृत्यु भएका नवलपरासीका राम सिंजाली मगर र स्याङ्जाका भिम सेन के.सी को श्रद्धांजलि कार्यक्रम सम्पन्न गरिएको छ। यही जुलाइ १२ तारिकका दिन किम्हे शहर अबस्थित किम्हे माइग्रेण्ट हाउसमा र बुसान वुजोङदोङ पि.एम.एफ हल दुइ ठाउँमा गरिएको थियो।
किम्हे माइग्रेण्ट हाउसमा गरिएको श्रद्धांजलि कार्यक्रममा, माइग्रेण्ट हाउसका अध्यक्ष यज्ञ राज सुवेदीले घटनाको बारेमा उपलब्ध दृश्य तस्वीरहरू का साथमा जानकारी गराउँदै, लाग्ने खर्च, नेपाल पठाउने प्रक्रिया, घटनाको बेलामा लागुहुने कोरीयाको कानुन नियम, आदिको बारेमा प्रस्ट पार्नु भएको थियो।एन.सी.सी.कोरीया, किम्हे माइग्रेण्ट हाउस, ख्यङसान नाम्दो एन.आर.एन.,स्याङ्जा नेपाली समाज,याङसान नेपाली परिवार,कोरिया किम्हे- बुसान मगर संघ,नवलपरासी समाज लगायत बिभिन्न संघ- संस्थाका प्रतिनीधी साथै अत्याधिक रूपमा नेपालीहरू उपस्थित भएको उक्त शोक सभामा मृतकहरू प्रती सबैले साहानोभुती र एकता देखाएको देखीन्थियो।
उपस्थित प्रत्येक संस्थाका प्रतिनिधीहरूले सम्झनाका शब्दहरू ब्यक्त गर्दै मुतक दोय राम सिंजालि र भिम सेन के.सी. को फोटामा फुलका गुच्छा चढाएका थिए भने अन्य उपस्थित सबैले फुल चढाउँदै मृत आत्माको शान्तीको कामना गरेका थिए।
किम्हे माइग्रेण्ट हाउसका अध्यक्ष यज्ञ राज सुवेदीको भनाइ अनुसार कोरियन यरलायन्सबाट जुलाइ १३ तारिक नेपाली समय अनुसार करिब १२:३० मध्यान्नमा शब नेपाल पुग्ने ब्यबस्था मिलाएको जानकारी दिनुभएको छ । किम्हे माइग्रेण्ट हाउसको खातामा जम्मा भएको रकम करिब १ करोड,६० लाख,३७ हजार १ सय वन नामावली सहित सबैका अघि सार्वजनिक पनि गरिएको थियो। यसै शोक सभामा घटनाका प्रत्यक्ष दर्शी समाज सेवी प्रकाश सुनारले घटनाको बारेमा थप जानकारी समेत दिएका थिए।
त्यस्तै यही दिन वुसान एन.सी.सी, एन. आर.एन.लगायत बुसान बासीहरूले गरेको अर्को श्रद्धांजलि कार्यक्रममा पनी ठुलो संख्यामा नेपालीहरूको उपस्थिती रहेको थियो। वुसान एन.सी.सी को कोषाध्यक्ष, उपाध्यक्ष हुँदै सल्लाकार समेत भएर सक्रियरूपमा योगदान दिएका राम सिंजालीका बारेमा सबैले गहभरि आँसुपार्दै सम्झेका थिए भने दुवै मृतकको तस्विरमा फुलचढाइ श्रद्धांजलि दिएका थिए।
करिव ४० लाख वनको हारा- हारीमा रकम संकलन भएको बुझिएको छ। मृतक राम सिंजाली विगतमा भएको बुउल्ख्यङ एन.आर.एनका भुतपुर्व उपाध्यक्ष पनी थिए। किम्हे-बुसानमा श्रद्धांजलि कार्यक्रम गरेका आयोजकहरूले उठेको सहयोग रकम सबैको सल्लाह अनुसार प्रयोगमा गरिने, पारदर्शी बनाउने, मृतक र मृतक परिवारलाई न्याय दिने भन्दा अन्य विकल्प नरहने पनी जानकारी दिएका छन्। हाल कोरीयामा रहेका करिब ९० का हारा- हारीमा रहेका संस्थाहरूमा धेरै संस्थाहरू निधाइरहेको अबस्थामा देखीएपनी यी शोक- सभामा जति संघ- संस्था सक्रिय रहे, देखीए तिनीहरूको कार्यलाई भने तारिफ योग्य मान्नैपर्छ ।
