दक्षिण कोरियामा फेरि एक नेपालीको निधन
दक्षिण कोरियामा कार्यरत भोजपुरका सुजन घलेको सेप्टेम्बर १७ का दिन उपचारको क्रममा निधन भएको छ।
बिगत ७ बर्ष देखि इपिएस प्रणाली मार्फत कोरियामा काम गर्दै आएका भोजपुर जिल्ला साल्पासिलिछो गाउँपालिका १ कुलुङ्ग स्थायी घर भएका २८ बर्षिय घलेको दक्षिण कोरियाको नुनसान स्थित स्थानिय अस्पतालमा निधन भएको हो। करिब ३ हप्ता अघि कम्पनिमै काम गर्ने क्रममा एक्कासी बेहोस भएर ढलेपछि अस्पताल भर्ना गरिएकोमा मुटु र टाउकोमा समस्या देखिएको थियो।
मृतक घले केही बर्ष देखि गैर कानुनी रुपमा बसोबास गरिरहेको कारण कानुनी जटिलता भएकोले थप उपचारका लागी सम्बन्धित ठुला अस्पतालहरुमा तत्काल भर्ना गराउन नसकिएको कुरा भोजपुर परिवार दक्षिण कोरियाका अध्यक्ष सुमन्त मगरले जानकारी गराएका छन्। यद्यपि केही सहयोगि र परामर्शदाताहरुको समन्वयमा भर्ना प्रकिया गर्दै गर्दा घलेको दु:खद निधन हुन पुगेको कुरा अध्यक्ष मगरले बताए।
घरको आर्थिक अबस्था कमजोर साथै गैर कानुनी बसोबास अन्तर्गत स्वास्थ्य बिमा नहुने भएकोले अस्पतालमा उपचार महङ्गो पर्न गई कुल ३ करोड ५० लाख वन बराबरको अस्पताल बिल उठेकोमा उक्त रकमबाट १ करोड वन छुट दिई हाल दुई करोड ५० लाख तिर्न बाँकी रहेको छ। घले कार्यरत कम्पनीबाट दुई करोड २५ लाख वन र बाकी रकम २५ लाख वन मृतकका तर्फबाट तिर्नुपर्ने बताईएको छ।
मृतकको पार्थिव शरीर दूतावाससंगको समन्वयमा आगामी २६ सेप्टेम्बरमा नेपाल पठाउने तयारी गरिएको छ। मृतकका तर्फबाट अस्पतालमा तिर्न बाकी २५ लाख वन, शव गृह खर्च ११ लाख वन अनुमानित रकम(सेप्टेम्बर १७ देखि २६ सम्म) र हवाईजहाज खर्च ५४ लाख वन गरि लगभग अनुमानित कुल ९० लाख वन रकम आवश्यक पर्ने देखिएको कुरा अध्यक्ष मगरले उल्लेख गरेका छन्। साथै उहाँले उक्त रकम जुटाउन कोरियामा कार्यरत सबैप्रती भोजपुर परिवारको तर्फबाट अपिल गरेका छन्
आर्थिक सहयोगका लागी भोजपुर परिवार दक्षिण कोरियाका सह-कोषाध्यक्ष THAPA KUMAR को IBK बैंकमा रहेको खाता नम्बर 221-425464-02-028 मा रकम जम्मा गरि सहयोग गर्न सकिने कुरा सो संस्थाले जनाएको छ। साथै सहयोगिहरुको सम्पुर्ण बिबरण अद्यावधिक गरि सार्वजनिक गरिने समेत संस्थाले जानकारी गराएको छ।
