कोरिया उरुग्वेलाई पराजित गर्दै सेमिफाइनलमा प्रवेश
ऐश्वर्य श्रेष्ठ,सोल –दक्षिण कोरियाले उरुग्वेलाई ३ ० ले पराजित गर्दै कोरियाका ग्वाङ्जुमा जारी समर युनिभर्सियाड खेलकुद अन्र्तगतको पुरुष फुटबलको सेमिफाइनलमा प्रवेश गरेको छ ।
कोरियाले बिहिबार ग्वाङ्जुस्थित जेंगब पब्लिक स्टेडियममा भएको खेलमा उरुग्वेलाई पराजित गरेको हो । खेल शुरु भएको २९ मिनेटमा मिडफिल्डर जेंग विनले दक्षिण कोरियाको लागि गोलको खाता खोलेका थिए ।त्यसपछि लगातार २ गोल वन जीनले गरेपछि कोरियाको जीत सुनिश्चित भयो । कोरियन खेलाडीहरुको अगाडि उरुग्वेको प्रदर्शन फितलो थियो योन्हाप समाचार एजेन्सी लेख्छ ।
शनिबार कोरियाले सेमिफाइनलमा ब्राजिलको सामना गर्नेछ ।दक्षिण कोरियाले सन १९९१ देखि नैं युनिभर्सियाडमा सहभागिता जनाए पनि गोल्ड मेडल जित्न सकेको छैंन् ।
