क्रीयटिभ एम्बीशन नेपाललाई राहत रकम हस्तान्तरण
रोशन राई
सोल-गत बैशाख १२ र २९ गतेको महाभुकम्पमा परी पीडित भएकाहरुको लागी राहत स्वरुप कोरियाको किम्पोमा उठाईएको राहत रकम क्रीयटिभ एम्बिशन नेपाल (क्यान्) दक्षिण कोरियालाई आईतबार हस्तान्तरण गरिएको छ ।
किम्पोस्थित क्रीयटिभ एम्बिशन नेपाल र किम्पो वेगुगिन सेन्टरको संयुक्त पहलमा नेपालका भुकम्प पीडितहरुको सहयोगार्थ संकलन गरिएको रकम आईतबार किम्पो स्थित जुमिन सेन्टरमा आयोजित एक बिशेष कार्यक्रमका बिच सेन्टरका निर्देशकले क्यान अध्यक्ष रोहित गुरुङलाई हस्तान्तरण गरेका हुन |
क्रीयटिभ एम्बिशन नेपालले यो भन्दा पहिले आफ्नो सदस्यहरुबाट संकलन गरेको रकम एक लाख पचास हजार रुपैयाँ भुकम्प प्रभावित जिल्ला रसुवाको डाँडागाउँ उच्च माध्यमिक बिधालय मा भुकम्प पीडित बिधार्थीहरुको लागी शैक्षिक सामग्री राहत कोषको लागी सहयोग गरिसकेको छ ।
क्रीयटिभ एम्बिशन नेपालले उक्त आईतबार हस्तान्तरित रकम भुकम्प प्रभावित गोरखा जिल्लाको दुई बिधालयलाई शैक्षिक सामग्री राहत स्वरुप सहयोग गर्ने फोनिजसँग कुरा गर्दै क्यान अध्यक्ष रोहित गुरुङले जानकारी दिए ।
यस संस्थाले यो भन्दा अघी किम्पो जुमिन सेन्टरमा अप्रिल २५ तारिकको दिन नेपाली पुस्तकालय समेत स्थापना गरेको छ । त्यस्तै यस संस्थाले ओखल ढुङ्गा सेवा समाज सँगको सहकार्यमा भुकम्प पीडितहरुको लागी राहत स्वरुप यो जुलाई १९ तारिक आइतबार चलचित्र “रेशम फिलिली” पनि प्रदर्शन गर्ने भएको हुँदा उक्त चलचित्र हेर्नको लागी कोरियामा भएका सम्पूर्ण नेपालीहरुलाई उपस्थितिको लागी क्रीयटिभ एम्बिशन नेपालका अध्यक्ष रोहित गुरुङले सबैलाई अनुरोध गरेका छन ।
