उदयपुर सेवा समाज दक्षिण कोरियाको साधारण सभा सम्पन्न

फेब्रुअरि ९ तारिख आईतबार उदयपुर सेवा समाज दक्षिण कोरियाले साधारण सभा सम्पन्न गरेको छ। कोरियाको आन्सान स्थित होटल सोल्टिमा आयोजित सभामा संस्थाका अध्यक्ष मधुकर राई Mk को अध्यक्षता र संस्थाका संरक्षक तथा ब्यबसायि श्याम खड्काको प्रमुख आतिथ्यमा कार्यक्रम आयोजना गरिएको थियो।

सभामा संस्थाका अहिले सम्मका बिभिन्न सामाजिक, आर्थिक गतिबिधिहरुको समिक्षा गरिएको महासचिब बिबिन्द्र राईले जानकारी दिए। कोरियामा रहेका उदयपुरेहरुको साझा घरको रुपमा यस संस्थालाई बिकास गर्नुपर्ने आवश्यकता रहेको भन्ने बिषयमा उपस्थित सम्पुर्ण सद्स्य तथा पदाधिकारी हरुले जोड दिएका थिए। यसै अनुरुप संस्था लाई सुदृढीकरण गर्नुपर्ने तथा संस्थालाई चलाएमान बनाउनको लागि बिभिन्न कृयाकलापहरुमा सहभागी हुने पनि निर्णय गरिएको थियो।

सोही अवसरमा कार्यसमितिलाई पुनर्गठन गरिएको थियो। उक्त भेलाले अध्यक्ष र महासचिब सर्बसहमतिमा यथावत् राखि उपाध्यक्ष ३ , सचिव १ सहकोषाध्यक्ष १ तथा कार्यसमिति सदस्यहरु थप गरिएको थियो। आफ्नो पहिलो कार्यकाल सकेर नेपाल प्रस्थान गर्ने संस्थाका स्ंस्थापक तथा निबर्तमान उपाध्यक्ष बिध्यानन्द चौधरि तथा सदस्य सन्तोष बुढाथोकिलाई बिदाइ कार्यक्रम पनि गरिएको थियो।

“उदयपुर म्युजिकल कन्सर्ट 2019 ” बाट संकलित रकम मध्य केहि प्रतिशत पूर्वघोषित योजना अन्तर्गत लक्षित बर्ग , क्षेत्रमा हस्तान्तरण गरिने भएको छ। हस्तान्तरणका लागि संस्थाका संस्थापक बरिष्ठ सल्लाहकार महेन्द्र राई ज संयोजक रहनेगरि संस्थाले कोष पनि निकासा गरिसकेको र उदयपुरेको बहुसंख्यक उपस्थितिमा भब्यताका साथ साधारण सभा सम्पन्न भएकोमा उदयपुर सेवा समाज थप मजबुत भएर सामाजीक सेवामा लाग्ने कुरामा उर्जा मिलेको संस्थाका अध्यक्ष मधुकर राईले बताएका थिए।