दक्षिण कोरियाले उत्तर कोरिया लाई ३ लाख टन खाद्यान्न पठाउने
कोरियाली सरकारले उत्तर कोरियाका लागि चामल सहित करिब ३ लाख टन बराबरको खाद्यान्न पठाउने तयारी गरेको छ । यस्तो मानवीय सहायता गर्न लागेको कुरालाई अमेरिकी सरकारले पनि सहमति जनाएको सत्तारुढ डेमोक्रेटिक पार्टीले जनाएको छ ।
“आश छ कि जुनको अन्त्य सम्ममा करिब ३ लाख टन बराबरको खाद्यान्न उत्तर कोरियामा पुग्ने छ । संयुक्त राष्ट्र संघ विश्व खाद्य कार्यक्रम (डब्लूएफपी) र खाद्य र कृषि संगठन (एफएओ) को सहयोगमा खाद्यान्न ढुवानी गरिने छ । तर लागतको विषयमा अझै निर्क्योल भएको छैन ।” सम्बन्धि ब्यक्तिको भनाइलाई उद्धृत गर्दै कोरिया टाइम्सले लेखेको छ ।
स्रोतका अनुसार सउलले औपचारिक र अनौपचारिक रूपमा प्योङयाङबाट चामल सहायताको लागि बारम्बार अनुरोध गर्दै आएको थियो ।
खाद्य सहायता प्रावधानको अन्तिम विवरण एफओओ र डब्लूएफपीको कार्यकारी तथा आफ्ना सहभागीहरूबीच छलफलपछि जारी गरिने जनाएको छ ।
परमाणु तथा रासायनिक हतियारको उत्सर्जन गरेर बिश्वलाई नै चुनौती दिदै आएको उतर कोरियाली साशक किम जोङ-उन पछिल्लो समय अमेरिकी संगको वार्ता मार्फत शान्ति स्थापना गर्न चाहेको देखिन्छ । तर कम्जोर आर्थिक अवस्थाको कारण भोकमरीमा परेर बर्सेनि धेरै मानिसहरुको मृत्युु हुने गरेको समाचारहरु बेला बेलामा सार्वजनिक हुँदै आएको छ । त्यसैले किमले खाद्यान्न सहयोगको लागि दक्षिण कोरियाको सहयोग लिन चाहेको देखिन्छ ।
