दोस्रो बुद्ध जयन्ति फुट्सल कप २०१९ को उपाधि एभरेष्ट एफसीलाई

तामाङ समाज ख्यङ्साङ्नाम्दो/बुसान द्वारा आयोजित “दोस्रो बुद्धजयन्ती फुटसल प्रतियोगिता २०१९ सम्पन्न भएको छ । आइतबार भएको कार्यक्रममा प्रमुख अतिथि DANA कोरियाका president Rev. Tankyeong रहेका थिए । कार्यक्रममा आयोजक संस्थाका कार्यबाहक अध्यक्ष सुजित घिसिङको सभापतित्वमा छोटो औपचारीक कार्यक्रमलाई उपाध्यक्ष रण तामाङले स्वागत मन्तव्य राखेका थिए । बिशेष अतिथि नागर्जुङ गुम्बाका लामा प्रमुख उर्गेन लामा र नेपाल तामाङ संघ दक्षिण कोरियाका अध्यक्ष मेघ प्रसाद वाईवाले बुद्ध र बुद्ध जन्मेको देश नेपाल चिनाउने कार्यक्रम आयोजना गरेकोमा आयोजक तामाङ समाज ख्यङ्साङ्नाम्दो बुसानको प्रशंसा गर्दै सहभागी सम्पूर्ण टिमहरुलाई शुभकामना दिनु भएका थिए।
याङ्सान स्थित 평산동 웅상 체육공원 को खेलमैदानमा भएको उक्त प्रतियोगीतामा जम्मा २८ टिमको सहभागितामा सम्पन्न प्रतियोगिता दर्शकहरुको पनि बाग्लो उपस्थिती रहेको थियो। प्रतियोगिताको फाइनल खेलमा १-० को नतिजा निकाल्दै एभरेष्ट एफसीले ट्रफी, मेडल सहित नगद २० लाख वन र उपविजेता बन्दै डेउ एफसीले ट्रफी, मेडल सहित १० लाख वन पुरस्कार पाए । एकदमै रोचक र कडा प्रतिस्पर्धात्मक रहेको उक्त प्रतियोगिताको फाइनल र सेमिफ़ाइनल खेलहरु पोल A बाट एभरेष्ट एफ.सीले फारन एफ.सीलाई पराजित गरेको थियो भने पोल B बाट डेउ एफ.सीले तामाङ एफ.सीलाई पेनाल्टि सुटआउटमा हराउदै फाईनल प्रवेश गरेको थियो ।