तनहुँ सम्पर्क समिति दक्षिण कोरियाले पिकनिक कार्यक्रम आयोजना गर्ने
तनहुँ सम्पर्क समिति द.कोरियाको आयोजना मे चार र पाँच तारिख कोरियाको रमणीय स्थान थेसनरीमा पिकनिक कार्यक्रम २०१९ हुने भएको छ। “आपासी मेलमिलाप,सद्भावना र सहभागिता आजको एकता नै प्रवासीको आवश्यकता”भन्ने मूल उद्घोष संगै दक्षिण कोरियामा विभिन्न पेशा तथा व्यवसाय र ईपिएस प्राणालीमार्फत काेरिया अाएका तनहुँ जिल्लाबासी दाजुभाई तथा दिदीबहिनीहरुलाई लक्षित बनाई कार्यक्रम अायाेजना गरिएकाे अायाेजकले बताए ।
कार्यक्रममा स्वादिष्ट नेपाली र कोरियन परिकारहरुको साथै विविध सांस्कृतिक एवं मनोरञ्जनात्मक कार्यक्रमहरु समावेश हुने अायोजक संस्थाका अध्यक्ष सबिन गुरुङले जानकारी दिए। कोरियामा गर्मी यामको शुरुवात संगै पिकनिकको लागि अनुकुल मौसम हुने र पिकनिक आयोजना गर्नको लागि अप्रिल ७ तारिख सम्पन्न संस्थाको बैठकद्वारा सल्लाहकार सोम श्रेष्ठको संयोजकत्वमा ८ सदस्यीय व्यवस्थापन समिति गठन गरि तयारी तिब्र पारिएको जानकारी दिएको छ।
कोरियामा र नेपालमा विभिन्न सामाजिक र परोपकारी कार्यमा अग्रसर यस संस्थाले कोरियामा रहेका तनहुँबासी र गैर तनहुँबासीहरु बिच आपसी मेलमिलापका साथै मनोरञ्जन गराउने उद्देश्यले आयोजना गर्न लागिएको वनभोज कार्यक्रममा उपस्थितिको लागि कोरियाबासी सम्पूर्ण नेपालीहरुमा निमन्त्रणा गरिएको छ। कार्यक्रममा सहभागी हुन चाहने व्यक्तिहरुले कोरियन वोन ६० हजार बुझाई आफ्नो नाम दर्ता गर्न सकिने अायाेजकले बताएकाे छ । साथै कार्यक्रममा जानको लागि सौल मेट्रो दोङ्देमुन स्टेशनबाट सुबिधा सम्पन्न बसको ब्यवस्था गरिएको छ ।
