आङ कामी शेर्पाको शव नेपाल पठाउन एक करोड दश लाख वन संकलन
गत अक्टुबर २६ तारिक शुक्रबार जिन्जु अस्पतालमा हृदयघातका कारण मृत्यू भएका दोलखाका आङ कामी शेर्पाको शव नोभेम्बर २ मा नेपाल पठाएको छ। अाइतबार भएकाे मृतक शेर्पाकाे आत्माको शान्ति पुजा कार्यक्रममा साे कुरा बताइएकाे हाे ।
शेर्पाकाे शब नेपाल पठाउनका लागि दक्षिणा काेरियामा रहेका नपालीहरूले कामी शेर्पा आर्थिक सहयोग संकलन गरेका थिए । अभियानबाट एक करोड दश लाख आठ हजार ५५ वन आर्थिक सहयोग संकलन गरेको दाेलखाली समाजका अध्यक्ष सराेज केसीले जानकारी गराए । ‘शेर्पाको शव नेपाल पठाउन ४१७७९५० वन खर्च भएको छ भने अहिले जम्मा ६८४०१०५ वन बाँकी छ। साे रकम हामी उहाँकाे अाफन्तलाइ बुझाउने छाै ।’ उनले भने ।
आङ्ग कामीको उपचारका क्रममा अस्पताल खर्च एक करोड छैसठ्ठी लाख वन लागेकाे जनाएकाे छ । साे रकम मध्ये खंङग साँग नामदाे राज्य सरकारको आपतकालीन राहत कोषबाट एक करोड चौतिस लाख वोन सहयोग र अङ्ग दान लिने संस्थाबाट ५४ लाख वन आर्थिक सहयोग प्राप्त भएकाे उपचारमा सहयाेग गरेका यज्ञ राज सुबेदीले जानकारी दिए।
नेपाली सम्पर्क समितीकी अध्यक्ष अन्जु केसी, जनजाती महासंघकी अध्यक्ष मल्लिका थकाली, शेर्पा संघ कोरियाका अध्यक्ष आङ्ग पासङ्ग शेर्पा, वुमन फर वुमनको अध्यक्ष पदमा श्रेष्ठ, योल्ह्मो सम्पर्क समिति र दोलखा शेर्पा विसी मन्च लगायत अन्य कोरियावासी नेपालीहरुको उपस्थितीमा श्रद्धाञ्जली सभा सम्पन्न गरेको हो।
