एमटियुले सउलमा बृहत र्याली गर्यो
प्रवासी श्रमिकहरुको स्वतन्त्र युनियन प्रवासी मजदुर युनियन (एमटियु)ले अक्टोबर १४ मा बृहत र्याली सम्पन्न गरेकाे छ । काेरियामा काम गरिरहेका विदेशी कामदारलार्इ बिभिन्न सुविधा दिन माग गर्दै र्यालीकाे अायाेजना गरिएका थियाे ।
एमटियुका अध्यक्ष उदय रार्इले भेदभाब हटाउन र्याली गरेकाे बताएका थिए । काेरियन सरकारले खानेबस्ने खर्च सम्बन्धी निर्देशिका खारेज गर्नु पर्ने, मजदुरलाई भेदभाब गर्ने मजदुर कानुनको धारा ६३ खारेज गर्नु पर्ने, धरपकट बन्द गर्नु पर्ने, प्रवासी महिला श्रमिकलाई गर्ने यौन दुर्ब्यबहार र भेदभाबको अन्त्य हुनु पर्ने, ३ बर्ष पछिको बोनस भिषा कम्पनी मालिकको बिना अनुमति थप गर्न पाउनु पर्ने, ४० वर्ष भन्दा बढी उमेरको श्रमिकले पनि इपिएसमा काम गर्न पाउनु पर्ने मागहरू पनि अाफुहरूले राख्दै अाएकाे जानकारी दिए । ‘कृषि क्षेत्रको श्रमिकहरु उत्पादन क्षेत्रमा जना पाउनु पर्छ । इपिएसको श्रमिकले थेजिकम कोरियामै पाउनु पर्छ । स्वइच्छाले कम्पनी परिबर्तन गर्न पाउने डब्लुपीएस लागु हुनु पर्छ ।’ उनले भने ।
‘हामी प्रवासी श्रमिकको रुपमा आएको हौ तर कोरियन सरकारले हामीलाई श्रमिकको रुपमा हेरेकाे छैन । हामीलाई एक पटक प्रयोग गरेर फ्याकिने औजारको रुपमा मात्र लिएकाे छ । हामीलाई कम्पनी परिबर्तन गर्ने अधिकारबाट बन्चित गराईएको छ । श्रमिकलाई आफुले चाहेको ठाउमा काम गर्ने स्वतन्त्रता पाउनु पर्छ । तर कम्पनी मालिकहरु चाही यो अहिले पाइरहेको न्यून तलब पनि कटौती गर्नु पर्छ भनि माग गरिरहेको अवस्था छ साथै सांसदले कानुन बनाउन लागेकाे छ ।’ उनले थपे ।
र्रयालीलाइ सम्बाेधन गर्दै कोरियन प्रजातान्त्रिक मजदुर महासंघ (केसिटियु)को अध्यक्ष किम म्यंग ह्वानले श्रमिकलाइ दास बनाउन नपाइने बताए । ‘श्रमिकलाई समान व्यवहार गर्नु पर्छ । उनीहरुको हक अधिकारको सम्मान गर्नु पर्छ । प्रवासी श्रमिकहरु हाम्रो साथी हुन् छिमेकी हुन् । तर बिभिन्न बहानामा प्रवासी श्रमिकको मानव अधिकार ओझेलमा पारिएको छन् । प्रवासी श्रमिकलाई गरिने कुनै किसिमको भेदभाब ,शोषण दमन केसिटियुकोलागि मान्य हुने छैन ।’
कार्यक्रममा प्रवासी श्रमिकको अन्य प्रतिनिधिहरुले पनि आफ्नो भनाइ राखेका थिए । र्यालीमा केसिटियु आबद्द निर्माण मजदुर युनियन, धातु मजदुर युनियन, बिभिन्न मानब अधिकारबादी संघसस्थाको प्रतिनिधि र बिभिन्न देशको काेरियामा काम गरिरहेका कामदारहरूकाे सहभागिता थियो । पहिलो चरणको कार्यक्रमको सकिए पछि कामदारका बिभिन्न मागका नाराहरु लगाउदै राष्ट्रपति भवन अगाडीसम्म मार्च गरि र्याली समापन भएको थियो ।
