प्योङयाङ पुगेका राष्ट्रपति मुनलाई किमको भब्य स्वागत(फोटो फिचर)
सउल । दक्षिण कोरियाका राष्ट्रपति मुन जे इन औपचारिक भ्रमणका लागि मंगलबार प्योङयाङ पुगेका छन् । कोरियाली प्रायद्वीपलाई निशस्त्रीकरण गर्ने, अमेरिकासँग भएको र हाल अवरुद्ध अवस्थामा रहेको वार्तालाई पुनः सञ्चालन गर्ने मुख्य उदेश्यका साथ राष्ट्रपति मुन प्योङयाङ पुगेको यहाँका संचार माध्यमले जनएको छ ।
प्योङयाङ अन्तराष्ट्रिय विमानस्थलमा मुनको स्वागतका लागि किम र पत्नी रि सोल्जुका साथै हजारौँ उत्तर कोरियाली वासिन्दा पनि फूलसहित उपस्थित भएका थिए । उनीहरुले ठूलो स्वरमा एकिकृत कोरियाको गीत गाइरहेका थिए । यसै अवसरमा उत्तरले उनको सम्मानमा भव्य परेडको पनि आयोजना गरेको थियो । कोरियाली नेता किम र दक्षिण कोरियाली राष्ट्रपति मुन विमानस्थलमा एकआपसमा अँगालो मार्दै स्नेह र आत्मियताको भाव साटासाट गरेका थिए ।
