कोरियाको स्थानिय निर्वाचनमा साढे चार लाख विदेशीले मतदान गरे
दक्षिण कोरियाको स्थानीय निर्वाचन आज सम्पन्न भएको छ । जुन १३ तारिख मंगलबार भएको सातौ स्थानिय निर्वाचनमा कोरियन नगरिकता लिएका र ग्रिन कार्ड पाएका गरी साढे चार लाख विदेशीले मतदान गरेका छन् । गत वर्ष राष्ट्रपतिको निर्वाचनमा ४ लाख ३२ हजार विदेशी मतदाता रहेको राजनीतिक प्रतिनिधी यज्ञराज सुवेदीले जानकारी दिए ।
राष्ट्रिय निर्वाचन आयोगको तथ्यांक अनुसार सातौ स्थानिय निर्वाचनमा ग्रिन कार्ड पाएका १ लाख ६ हजार ८१४ जना विदेशी मतदाता रहेको छ । कोरियामा विदेशी नागरिकले कोरियाको ग्रिन कार्ड पाएको तीन वर्षपछि मतदान गर्न पाउने व्यवस्था छ । ग्रिन कार्ड पाएकाहरुले स्थानिय निर्वाचनमा मात्रै मतदान गर्न पाउने छन् ।
यसपालीको निर्वाचनमा ६ महानगरप्रमुख र ९ प्रान्तप्रमुख गरी १७ वटा स्थानको मुख्य पदको लागि निर्वाचन गरिदै छन् । साथै सि र गुनका अन्य पदाधिकारी गरी तीन हजार भन्दाबढी पदका लागि पनि उम्मेदारीवीच प्रतिस्पर्धा हुदै छन् । हरेक प्रान्तका मन्त्रीमण्डका मन्त्रीहरुको पनि निर्वाचन गरिनुका साथै, शिक्षा मन्त्रीको पनि निर्वाचन गरिने छ । साथै रिक्त रहेका १४ जना संसदहरुको पनि निर्वाचन गरिएको छ ।
जसमा महानगरपालिकाहरु सउल, इन्छन, बुसान, उल्सान, थेजन, थेगु, ख्वागंजु र सेजुङ रहेका छन् । त्यस्तै प्रान्तहरुमा खावान्दो, ख्यांगीदो, छुङछङ भुक्दो, छुङछङ नाम्दो, झल्ला नाम्दो, झल्ला भुक्दो, ख्यङसाङ नाम्दो, ख्यङसाङ भुक्दो र जेजु दो रहेका छन् ।
