भूकम्पबाट मृतकका परिवारलाई राहत वितरण

फोनिज कोरिया संवाददाता

सोल-धनकुटा सेवा समाज कोरियाले वैशाख १२ गते गएको विनाशकारी भूकम्पमा परेर ज्यान गुमाएका ६  घर परिवारलाई रू. १ लाख १८ हजार राहत वितरण गरेको छ।

धनकुटाको होटल लालीगुराँसको सभा हलमा आयोजित राहत वितरण कार्यक्रममा मृतकका आफन्तलाई सो राहत रकम बितरण गरिएको हो |

कार्यक्रम निरन राईको अध्यक्षता र जिल्ला प्रशासन कार्यलयका निमित्त प्रमुख सोमप्रसाद भट्टराईको प्रमुख आतिथ्यमा भएको थियो |

अतिथि बक्ताहरुले श्रम गरेर पनि समाज सेवामा लागि परेका कोरियामा रहेका धनकुटेलीहरुको प्रशंशा गर्दै अन्य देशमा रहेका धनकुटेलीले प्रेअराना लिनुपर्ने बताएका थिए |

पानसमा बत्ती बालेर उद्घाटन गरिएको कार्यक्रममा मृतकहरुको आत्माको शान्तिको कामना गरिएको थियो |

अन्य अतिथिहरुमा उद्धोग वाणिज्य संघका अध्यक्ष लालचन गोङ्वा,स्थानिय शान्ति समितिका टंक चुवान ,नेपाली कंग्रेसका नविन शाक्य, नेकपा एमालेका भिम राई, पत्रकार महासंघ जिल्ला शाखाका खगेन्द्र घिमिरे, जिल्ला प्रहरी कार्यलयका लक्ष्मि श्रेष्ठ, स्थानिय संचार माध्यमका संचार कर्मि, समाजसेवी, विध्दार्थी तथा कोरियाबाट फर्केर गएका धनकुटेलीहरुको बाक्लो उपस्थिती रहेको थियो |

कार्यक्रम संचालन सरोज भुजेल,स्वागत मन्तव्य सदिक्षा राई तथा संस्थाको उद्देश्य र कार्य विवरण कोषाध्यक्ष प्रदेश राईले प्रस्तुत गरेका थिए सभा हलको शुल्क रु. २,००० होटल लालीगुराँसका प्रोप्राईटर राजकुमार डंगोलले उपलब्ध गराएका थिए |

समाजले असअघि यस गोर्खा जिल्ला सौरपानी गाविस वाड नं. ५ का विभिन्न गाउँहरुमा भूकम्प पिडितहरुलाई खाद्दायन्न सामाग्री वितरण गरिसकेको छ।