कोरियन र नेपाली पार्टीको संयुक्त कार्यक्रम डिसेम्बर ३१ तारिख किम्हेमा हुदैं
खेम कार्की
दक्षिण कोरियाको किम्हेमा डिसेम्बर ३१ तारिख आइतबार कोरियन र नेपाली पार्टीको सहकार्यमा अन्तरक्रिया कार्यक्रम हुने भएको छ ।
दक्षिण कोरियाको सत्तारुढ द डेमिक्रेटिक पार्टी र नेपालको ठूलो दल नेकपा एमालेको भात्रृ संगठन ओएन एन एफ कोरियाको बुसान शाखाले संयुक्त रुपमा “आप्रवासी सम्बन्धी कोरियन सरकारको नीति र कोरिया सरकारले आप्रवासी संग गरेको अपेक्षा” बारे अन्तरक्रिया गर्न लागेको हो ।
ओएन एफ बुसानको डिसेम्बर ३१ तारिख किम्हेमा हुन लागेको अधिवेशनको अवसर पारेर यो कार्यक्रम आयोजना गरिएको हो । कोरिया को सत्तारुढ द डेमोक्रेटिक पार्टीको सांसद तथा
ख्यंगसांगनाम्दो राज्य पार्टी कमिटी अध्यक्ष मिन हुङ छल लगायतको उपस्थितीले कार्यक्रम उपलब्धीमुलक हुने आशा गरिएको छ ।
स्थानीय रुपमा नेपाली तथा आप्रवासीका समस्या सम्बन्धित ठाउमा पुरयाउने अवसर को साथै भविष्यमा कोरियन र नेपाली राजनैतिक दल विचको सम्बन्ध स्थापनामा यो कार्यक्रम उपलब्धीमुलक हुने द डेमोक्रेटिक पार्टी आप्रवासी उपसमितिका केन्द्रीय उपाध्यक्ष तथा ओएनएफ कोरियाका सल्लाहकार यज्ञराज सुवेदीले जानकारी दिएका छन ।
कार्यक्रम किम्हे बजार र बसपार्कको विच भागमा पर्ने वाईएम सिए हलमा आइतबार दिनको १२ बजे शुरु हुने भएको छ । कार्यक्रममा पहिलो चरण कोरियन अतिथीको सहभागितामा अन्तरक्रिया हुने छ भने दोश्रो चरणमा ओ एन एफ बुसानको अधिवेशन हुनेछ ।
पहिलो चरणको कार्यक्रम आप्रवासीका कोरियन नीति र अवको आवश्यकता बारे अन्तरक्रिया हुने हुदा कोरियामा रहेका विभिन्न राजनैतिक दलमा आस्था राख्ने नेपाली तथा विभिन्न संघ संस्था वा सम्पूर्ण नेपालीहरुले सहभागि भएर कार्यक्रमलाई सफल बनाउन आयोजकले सबैलाई अनुरोध समेत गरेको छ ।
