फिफा वोमन वल्ड कपमा कोरिया कोस्टारिकासंग बराबरीमा रोकियो
निश्चल काउचा
सोल – क्यानाडामा जारी फिफा वोमन वल्ड कप फुटबलमा दक्षिण कोरिया कोस्टारिकासंग बराबरीमा रोकिएको छ | गए राति भएको खेलमा खेल शुरु भएको १७ औ मिनेटमा कोस्टारिकाकी मेल्लिसा हेर्रेराले आफ्नो देशका लागि खाता खोलिन | उनीहरुको खुशी ४ मिनेट पनि टिक्न नपाउदै दक्षिण कोरियाकी जी सोयुङले गोल पर्काउदै खेल बराबरीमा ल्याईन | फेरि २५ औ मिनेटमा जेओन गेउलले दोस्रो गोल गर्दै कोरियाको अंक दोब्बर पारिन |
हाफ टाईम अघिसम्म एक गोलले पछि परेको कोस्टारिका हाफ टाईम पछि निकै आक्रमक बन्यो | प्रतिस्पधात्मक खेलमा दुवै पक्षवाट थुप्रै आक्रमण बुने पनि गोलमा परिणत हुने सकेन | खेलको ८९ औ मिनेटमा कोस्टारिकाकी कार्ला विल्लालोबोसले गोल गर्दै खेल बराबरीमा ल्याईन |
अन्तत खेल दुवै देशले २-२ गोल गर्दै एक – एक अंक बाड्दै बराबरीमा टुंगियो | यस अघि नै ब्राजिलसंग २ – 0 ले हार बेहोरी सकेको दक्षिण कोरियाको दोस्रो चरणको यात्रा कठिन बनेको छ | अब दक्षिण कोरियाले आगामी बुधवार स्पेनसंग प्रतिस्पधा गर्ने छ |
