क्रिसमस इभ


रंगिन बति चम्कि रहेका क्रिसमस ट्रि साइज साइजका छन् । कतै साना छन् कतै अलि अग्लो । चर्को आवाजमा नाइट डान्स क्लव र पपहरुमा गीतसंगीत बजेका छन् । सबै तिर गीत बज्दा शब्द बुझिदैन । चर्को संगीतको धुन मात्र सुनिन्छ । रातको नौ बजेको हुँदो हो ।
जोडाजोडी चप्किएर हिडेका छन् मानौ ती दुई ज्यान हुदै होइनन् । एक दुई जना जोडी नभाका पनि नशामा छन् आफ्नै दुनियाँमा । मान्छे नै मान्छे छ तर तिनलाई दुनियाँको बाल छैन । सडकमा हिड्नेहरु शान्तक्लजका लुगामा हिडेका छन् । धेरैले टोपी चाहि लगाएका छन् । जाडो काट्ने उपाय पनि त हो । म पनि यो मान्छे नै मान्छेको भिडमा छु । आफैलाई अलि असजिलो महसुस हुन्छ । जाडोले लगभग कमाएको छ । मसँग त्यसरी टाँसिएर हिड्न कोही छैन । न पिएर नशामै छु । तर मातिने रहर त छ कता कता के भएर हो डर पनि छ ।
अझ दोधारमा छु म नाइट क्लब तिर छिर्नु न कम्पनी फर्कनु ? एक मनले भन्छ सधै त्यही उराठ लाग्दो कोठामा कति जानु । बरु यही जाडो ठीक । कम्तिमा रमाइलो त देखिएकै छ । कम्पनी त फर्किन्न । बरु एक छिन यतै बसेर कफि पिउनु पर्छ कि के हो ? भरखर सम्म नाइट क्लव छिर्नु पर्यो भन्ने मन कफिले तान्यो । कफि पिउने ठाउँ खोज्छु । दुई पाइला नहिड्दै ठूलो अक्षरले स्टारवर्ग लेखिएको कफि सप देखिन्छ । अलि महंगै भए पनि कफि पिउँदै समय कटाउन सजिलो छ । त्यतै हानिन्छु ।
धत् कति साह्रै मान्छे हो । जता गए पनि खुट्टा राख्ने ठाउँ छैन । धेरैका जोडी जोडी बनेर बसेका छन् । कफि पिउँदा पिउँदै एउटीमा कसो नजर पर्यो । हेर्दा नेपाली झै देखिएर पनि मेरो ध्यान त्यता परेको हुनु पर्छ । नेपाली नहुन पनि सक्छ । हाम्रो जस्तै अनुहार भएका धेरै देशका मान्छे छन् । यसो हेर्छु, घुँडा छोपिने स्कर्टमा रातो चेक भेस्ट छ । डिसेम्बरको जाडोलाई छेक्न लामो ओभरकोट पनि छ । छोटा कपाललाई स्ट्रेट पारे झै सलक्क छोडेकी छे । न गारी न काली । आर्कषक छे ।
फुत्त एउटा केटा हातमा केही सामान बोकेर केटीको छेउमा उभियो । सरी भन्ने भाबमा आँखा जुधायो । अनि गालामा बिस्तारै किस गर्यो । केटीले कुनै प्रतिक्रिया दिइन । रिसाइकि के हो ? उसले केटीलाई हातको सामान दियो । उपहारै होला । केटीले टेबलमा राख्ने इसारा गरी । शायद केटीले कुर्न परेर रिसाको होला । म आफ्नो कफि भन्दा बढि ती दुईलाई हरिराख्छु । केटीले केही भनि । केटोको अनुहार कालोनिलो भयो । शायद केटी धेरै रिसाकि छे । तिनले बालेको केही बुझिएन कफि सपको मान्छेको हल्लाले । केटी जुरुक्क उठी । केटाले दिएको सामान टेवलमै छाडी र काउन्टरतिर गइ । कफिको पैसा तिरी । केटो टेवलको सामान टिपेर केटीको पछि लाग्यो । जता पनि यस्तै हो बिचारा केटाहरु । जोडी नभएकोमा ठीकै लाग्यो ।
…………..
एक महिना अघिदेखि क्रिसमस इभ मनाउने प्लान थियो । एक गु्रप थियौ । कति रातदिन खट्नु । कति पैसा पैसा भनेर कुद्नु । बल्ल बल्ल पाएको बिदालाई रमाइलो गर्नु पर्छ । सबैको सहमति थियो । कसरी मनाउने आआफ्नै प्लान थिए । रात भरी नै नाइट क्लव छिरेर रमाइलो गर्ने, हाइकिङ जाने, कोठैमा तास खेलेर नेपाली परिकार बनाएर खाने अनेक थिए । अन्त्यमा बाहिर नाइट क्लब छिर्दै रमाइलो गर्ने प्लान पास भो । मिले नोरेबाङ पनि जाउँला । कुरा मिल्यो । महंगो प्लान पास भो । कमिटेट साथीहरु थिए । रमाइलो होला भनेर मेरो सर्मथन नहुँदा नहुदै पनि हुन्छ भने ।
क्रिसमस इभको एक हप्ता अघि देखि साथीहरुले एउटा एउटा बहाना बनाउँदै क्यान्सिल गरौ प्लान भने । कसैले कता जानु पर्ने कुरा सुनाए । कसैले कम्पनीका कुरा सुनाए । एक गु्रपबाट म एक्लो भएँ । बालै भएन । म एक्लै भए पनि जान्छु । यस्तै सोचेँ । तर एक्लै सोचे जस्तो रमाइलो नहुने रहेछ । टन्न रेड लेभल, ब्लाक लेभल खाएर नाइट क्लवको रमाइलो होला भनेको कफि पिउँदै बस्न परेको छ ।

……………
भो नाइट क्लब नै छिर्छु । फेरी मन फेरियो ।
सिधै कफि सपबाट निस्किएर अलि कति हिडेँ । सडकमा हिडिरहेका मान्छे समाउँला झै गरेर आफ्नो नाइट क्लबका आउन आग्रह गरिरहेको शान्तक्लज छन् । क्लब अघि यसो उभिन नपाउँदै कोरियन मिसिएको टोनमा ‘कम कम सर’ केटी बोली ।
जाउँ कि नजाउँ एकै छिन उभिएको मलाई एउटीले फुत्त क्लवको ढोकाबाट निस्केर हातै समाइ ।
‘वइल कम सर । यु आर सो हान्डसम ।’ उसले मेरो बिदेशी अनुहार देखेर अंग्रजीमा बोली । शायद उसले कन्ठ गरेको शब्द पनि त्यति होला ।
‘थाङ्क्यू ।’ मैले भनेँ । चेपारे धसेर पैसा असुल्ने तरिका संसार भरि यस्तै रैछ ।
मलाई एउटा कुनाको टेबलमा पुर्याएर केटी गइ । तत्कालै फेरी अर्की आई । उसले कोरियनमै बोली । मैले बुझिन । तै पनि हजुर हजुर भने । मेरो ताल देखेर होला । उठी र यसो टाउको निहुँर्याएर हिडी । मलाई अलि सञ्चो भो । संसार भनेको यस्तो पो होला कसैलाई केही मतलब छैन । सबै आफ्नै नशामा छन् । जोडी हुने जाडी भैहाल्यो नहुनेको जाडी चाही नाइट क्लवकै केटीहरु छन् । सबैले स्वतन्त्रताको प्रयोग आफ्नै तरिकाले गरेका छन् । चर्को आवाजमा कोरियन गीत बजेको छ ।
‘के पिउनु हुन्छ ?’ फेरी अघि कै केटी अंग्रजीमा बोल्छे ।
‘वियर ।’ म एकै शब्दमा भन्छु ।
‘म पनि पिउँछु है ।’ तँपाईसँगै बसेर ।
हुन्छको भाबमा म टाउको हल्लाउँछु ।
‘अरु केही ?’
‘भयो त्यति नै ।’ म भन्छु । केटी जान्छे । एकै छिनमा फिँजले भरिएको दुईटा बियरको गिलास बोकेर फर्कन्छे । मेरी ठीक अघिल्तिर बस्छे । मलाई एउटा गिलास दिन्छे । गिलास बोकेपछि गिलास ठोक्काउँछे । कोरियन भाषामै चियर्स भन्छे ।
‘आज तँपाईलाई अरु सेवा चाहिन्छ ?’ केटी सोध्छे ।
‘अरु सेवा ?’ म थोरै बुझ्छु तर कन्फर्म हुन सोध्छु ।
‘हजुर ।’ ऊ उत्तेजित भएको देखाउँदै मलाई छुन्छे ।
‘भैगयो ।’ म फिँज भएको बियर सासै नफेरी पिउँछु ।

………..
जाडोले मुटु नै कमाएको छ । टोउको र ज्यान चरक्क चरक्क गर्दै दुखेको छ । वरी परि हेर्छु । क्रिसमस ट्रिको बत्ति बलेकै छ । मान्छे फाट्ट फुट्ट हल्लिदै हिडेका छन् । चर्का गीतसंगीत बन्द भएको छ । शान्त छ । फोहोरको थुप्रो सडक भरि छन् । म सडककै सानो पेटीमा पो छु । जसो तसो उठ्छु । खुट्टा ठीक ठाउँमा टेकिदैन । हल्लिदै ट्याक्सी खोज्छु । बल्ल बल्ल भटिन्छ । कोठामा पुग्छु । पैसा दिन पर्स निकाल्छु । पैसा छैन । हिजो भरखर त पाँच लाख वन निकालेको । पचास हजारको दसवटा नोट । कता खस्यो होला । म कार्ड झिकेर दिन्छु । ऊ कार्डमा पैसा नभएको सुनाउँछ । बीस तारिखमा त हो तलब आएको । कसरी नहुने ? विस्वासै हुँदैन । साथीलाई उठाउँछु । ट्याक्सिको पैसा माग्छु अनि ट्याक्सीलाई दिन्छु । यसो घडि हेर्छु बिहानको साढे छ भएछ ।

आफ्नो प्रतिक्रिया दिनुहोस |

ताजा अपडेट

सम्बन्धित शिर्षकहरु
  • सोनाम ल्होछार बृहत साँस्कृतिक कार्यक्रमको समिक्षा एवं आयव्यय सार्वजनिक गरिने
  • इलामेली समाज दक्षिण कोरियाद्वारा १० पालिकामा स्वास्थ्य सामाग्री वितरण
  • इलामेली समाज दक्षिण कोरियाद्वारा १० पालिकामा स्वास्थ्य सामाग्री वितरण
  • कोरियाको चर्चित सिनेमा हल CGV मा “डिग्री माईला”
  • ताजा अपडेट

    ईपिएस

    वन र सेवा क्षेत्रमा पनि कोरियाले नेपाली श्रमिक ल्याउने

    अनलाइन खबर दक्षिण कोरियाले यो वर्ष (सन् २०२४)देखि रोजगार अनुमति प्रणाली (ईपीएस)मार्फत थप ३ वटा क्षेत्रमा पनि नेपाली श्रमिक लिन थाल्ने भएको छ । कोरियाली सरकारले नेपालबाट वन क्षेत्र, सेवा क्षेत्र र रुट इन्डष्ट्री क्षेत्रमा पनि श्रमिक ल्याउने भएको हो । अहिले कृषि, ...

    एम टि यूको प्रतिनिधि सभा बैठक सम्पन्न, WPS को लागि संघर्ष गरिने

    प्रवासी श्रमिकहरुको अधिकारको निम्ति आवाज उठाउँदै आएको संस्था प्रवासी श्रमिक युनियन MTU दक्षिण कोरियाको प्रतिनिधि सभा बैठक २०२४ सम्पन्न भएको छ। सौल स्थित कोरियन प्रजातान्त्रिक श्रमिक महासंघ (केसिटियू) को हलमा सम्पन्न सभाले गतवर्षको गतिविधिहरुमाथि छलफल एवम ...

    राजु लामाको मंगोलियन हार्ट ब्याण्डले कोरिया तताउने निश्चित

    दक्षिण कोरियाको महान चाड सलनालको अवसरमा हुने ४ दिने लामो बिदाको पहिलो दिन फेब्रुअरी ९ तारिख नेपालको सुप्रसिद्ध गायक राजु लामाको मंगोलियन हार्ट व्याण्डको लाईभ कन्सर्टले कोरियाको माईनस डिग्रीको चिसो मौसममा नेपाली गीत संगीत मार्फत नेपाली माहोल तताउने निश्चित ...

    महिला / बालबालिका

    कोरियामा निर्मलाको अत्माहत्याले उब्जाएको प्रश्न

    मञ्जु गुरुङ ,, " म्याम म यहाँबाट निस्कन चाहन्छु । साइन मागेको पनि दिदैन । इलिगल बनाइदिन्छु भन्छ । काम पनि दिदैन । नेपालबाट आएको ६ महिना भयो । रिन ...

    कोरियामा महिलाका लागि महिलाका अध्यक्षमा पार्वती

    दक्षिण कोरियामा नेपाली महिलाहरुद्धारा संगठित महिलाको लागि महिला नाम संस्थाको अध्यक्षमा व्यवसायी तथा समाजसेवी पार्वती मोक्तान चयन भएका छन् । ...

    कोरियामा निबन्ध प्रतियोगितामा उत्कृष्ठ पुरस्कार प्राप्त लेख

    अलबिदा आमा -बाला राई निद्रामै थिएँ, म्यासेन्जरमा आएको फोनको घण्टीले ब्युझिएँ । हतार उठेर सिरानीनिर राखेको फोन तानें बिहानको छ बज्नै लागेको ...

    एनआरएन कोरियाले जुम मार्फत तिज मनाए

    एनआरएनए दक्षिण कोरियाले महिलाहरुको ठूलो चाड तिजलाई जुम मार्फत छलफल गरी मनाएका छन् । एनआरएन महिला संयोजकको नेतृत्वमा शुभकामना आदन प्रदान तथा ...