सल्नालमा गरिने सुम्निमा सांगीतिक सौगातको कलाकारको नाम सार्वजनिक
सौल,
किराँत राई यायोक्खा दक्षिण कोरियाले सलनालको दोस्रो दिन जनवरी २८ तारिक गरिने सुम्निमा सांगीतिक सौगात भाग(३ सांस्कृतिक कार्यक्रमको पोष्टर गत आईतबार तुङ्गदेमुनमा आयोजित पत्रकार भेटघाटमा सार्बजनिक गरेको छ।
किराँत राई यायोक्खा दक्षिण कोरियाले “दीर्घकालीन तथा ब्यवस्थित सुम्निमा घर (सेल्टर) निर्माण सहयोगार्थ” कोरियाली नयाँ बर्ष सलनालको उपलक्ष्यमा नेपालबाट चर्चित कलाकारहरु झिकाई सलनालको दोस्रो दिन अर्थात जनवरी २८ मा बृहत् सुम्निमा सांगीतिक सौगात भाग(३ कार्यक्रम गर्ने भएको हो।
कोरियामा नेपाली कामदारको संख्या दिनानुदिन बढ्दो सँगै बिभिन्न समस्याहरु पनि बढिरहको छ बिशेष त कम्पनी परिबर्तनको बेला बसको अशुबिधालाई मध्य नजर गर्दै बिरामी र महिलाको लागि छुट्टा(छुट्टै कोठा भएको ब्यवस्थित सुम्निमा घर (सेल्टर) निर्माणको लागि सहयोगार्थ उक्त कार्यक्रम गर्न लागेको कार्यक्रमको संयोजक लोचन राईले जानकारी दिनु भयो ।
कोरियामा सेल्टरहरु धेरै भए पनि बिरामी र महिलाको लागि छुट्टै ब्यबस्थित र सुबिधाजनक सेल्टर कम भएकोले यस्तो सेल्टरको निर्माण गर्न लागेको उहाँले थप्नुभयो । किराँती संस्कृति सम्वन्धीको कलाकृति, भेष भूषा र बाजागाजाहरु पनि सँगै राखिने भएको हुँदा सुम्निमा घरको नामकरण गरिएको उहाँले स्पष्ट पार्नुभयो ।
उक्त कार्यक्रमका दर्शकहरुलाई भर पुर मनोरञ्जन दिन नेपालका चर्चित तथा नव प्रतिभाका कलाकारहरु आउने भएका छन । जसमा अहिलेका बहु चर्चित भर्सलटाईल गायकका उपाधी पाएका राजेश पायल राई, स्वीट भोईस मिलान आमात्य, चर्चित लोक गायिका तथा उदघोषिका कोमल ओली, चर्चित हाँस्य कलाकार राजा राजेन्द्र पोखरेल, दोहोरी गायिका प्रीति आले मगर, चर्चित डान्सर तथा मोडेल रंजीता लिम्बु, चर्चित गायिका कला राई, र अन्य नव प्रतिभाका कलाकारहरु मीना राई, भीम लिम्बु, राजेशराई रहेका छन।
कोरियामा रहेका बिभिन्न संघ संस्थाका प्रतिनिधि, मजदुर, बिद्यार्थी, पत्रकार, ब्यापारी बुद्दिजीबी, महिला लगायत बिभिन्न पेशागत नेपालीहरु उपस्थित भई कार्यक्रमलाई सभ्य तथा भब्य बनाई दिन संस्थाका अध्यक्षले हार्दिक अनुरोध गर्नु भएको छ।
