कोरियामा इत्तर आवाज साहित्यिक समाजको गठन । । ।
फोनिज कोरिया संम्वाददाता,
सोल
द.कोरियामा कार्यरत नेपाली साहित्यकार लेखकहरुको लामो समयको बहस र विमर्श पछि सौर्न्दर्य चेत र पहिचान साहित्यिक संस्थाको आवश्यकता महसुस गरि गैर राजनीतिक एवं गैर सम्प्रदायिक “इत्तर आवाज साहित्यिक समाज”को स्थापना गरेको छ ।
पहिलो भेला यहि आइतबार द. कोरियाको,ख्यङिदो , सुवन स्थित एक नेपाली रेस्टुरेन्टमा सम्पन्न भएको छ । कोरियामा रहेका पहिचान सम्बधी लेख्दै आएका कवि तथा लेखकहरु को उल्लेखनीय उपस्थिती रहेको थियो । उक्त भेलामा पहिचानबादी लेखन सम्बन्धी अन्तर्कृयाका साथै उपस्थित कवि तथा लेखकहरुले आ-आफ्नो बिचार राखेका थिए ।
भेलामा विचार राख्ने क्रममा कवि पराजित पोम ले इतर आवाज साहित्यिक संस्थाको लक्ष र उद्देस्य प्रकाश पार्दै आगामी दिनमा विश्व भरी छरिएर रहेका पहिचानवादी लेखकहरु एक जुट हुनु पर्ने बताएका थिए । त्यसै गरि कवि बियोगि काइलाले नेपाली प्रवासी साहित्य बारे आफ्नो बिचार राखेका थिए र कवि निर्गराज राईले इतर आवाज संस्था स्थापना र आवस्यकता बारे प्रस्ट पारेका थिए भने गायिका तथा कवि शकुन लिम्बुले वर्तमान नेपाली साहित्यमा नारी उपस्थिति गर्दै स्वयं आफुलाई पनि इतर आवजले हातमा कलम थमाएर थप साहित्यक जिम्मेवारी दिएकोमा खुशी व्यात्त गर्दै आफ्ना कुरा टुङ्गाएकी थिए ।
कार्यक्रममा उपस्थित कविहरुले पहिचानवादी कविता बेजोडका साथ सुनाएका थिए । उक्त संस्थामा कार्यसमिति को संम्रचना भने फरक ढंगले गरिएको थियो । शीर्षबिन्दु , केन्द्र बिन्दु र शिरबिन्दु गरि तीन तहमा छुट्याईएका थिए । शीर्षबिन्दु पराजित पोमु र बियोगी काइला, केन्द्र बिन्दुमा सुरेससिं सम्बाहम्फे, निर्गराज राई, केरुङ गणेश हाङ्सेम र सकुन लिम्बु, त्यसै गरि शिर बिन्दु मा डम्बर लिम्बु, उत्तम खजुम, डोलु आले, मातृका नेम्बाङ, सजना यक्सो र बाबु साइला रहने कार्यसमिती समेत गठन गरिएको कवि डम्बर लिम्बुले जानकारी दिए ।
उक्त संस्थाले आगामी दिनमा द.कोरियामा पहिचानबादी लेखन सम्बन्धी विविध कार्यक्रम गर्ने र यसै बर्ष विश्वभरका नेपाली पहिचानवादी कविता संकलन गरेर अंग्रेजी र नेपाली दुवै भासामा संग्रह प्रकाशन गर्ने, छलपल र शुझाब बमोजिम अझै ससक्तरुपमा अघिबढने प्रण गरेका भेलाले निर्णय गरेको पोमुले जानकारी दिएको छ । सो अवसरमा कवि पोमुले आफ्नो कविता संग्रह ‘लेप्मुहाङ को डुंगा ‘दस प्रती इत्तर आवाज साहित्यिक समाजको कोष सहयोगार्थ हस्तान्तरण गरेको छ । उक्त दिनको भेलामा उपस्थित सबैबाट रकम सङ्कलन गरी कोषपनि खडा गरिएको छ ।
