कोरियाको बिभिन्न शहरमा ‘छक्का पन्जा’ भब्य रुपमा प्रदर्शन हुदैं |

उच्च कमाइ गर्ने फिल्ममा रेकर्ड राखिरहेको ‘छक्का पञ्जा’ प्रदर्शनको छैठौं सातामा चलिरहँदा पनि ‘छक्का पञ्जा’ हेर्न आउने दर्शकको ओइरो नघटेपछि लक्ष्मीपूजाको दिन चलचित्रले प्रदर्शनको ५१ दिन पार गर्ने लगभग पक्कापक्की भएको छ । चलचित्रका निर्माता तथा अभिनेता दिपकराज गिरी यतिबेला राजधानीका सबै मल्टिप्लेक्समा ५१ दिने सफलता मनाउने तयारीमा जुटिसकेका छन् । भाद्र २४ बाट प्रर्दशन थालेको ‘छक्का पञ्जा’ को दबदबा बजारमा कायमै छ । चलचित्रले देशभित्रैबाट ४० दिनमा १३ करोड रुपैयाँ ग्रस कलेक्सन गरेको छ । जून कमाई नेपाली चलचित्र इतिहासकै सर्वाधिक हो । यसअघि ‘कोहीनूर’ ले दश करोड रुपैयाँको व्यापार गर्दै राखेको किर्तिमानलाई ‘छक्का पञ्जा’ ले तोडेको हो ।

दीपकराज गिरी, प्रियंका कार्की, शिवहरि पौडेल, केदार घिमिरे ‘माग्नेबुढा’, जितु नेपाल, बुद्धि तामाङ, वर्षा राउत लगायतको मुख्य भूमिका रहेको ‘छक्का पञ्जा’ ले फिल्म हेरुन्जेल दर्शक हँसाउछ । यसले गरिवीका कारण विदेशिन वाध्य आमनेपालीको अवस्था र विदेश गइसकेपछि भएको सामाजिक तथा पारिवारिक विचलन उजागर गरेको छ । यसअघि ‘छक्का पञ्जा’ फिल्म युनिटले बनाएका ‘छ एकान छ’ र ‘वडा नम्बर छ’ ले नेपाल , बेलायत र कोरियामा  पनि व्यवसायिक सफलता चुमेका थिए ।

विदेशमा समेत छक्का पन्जाको प्रदर्शन भब्य रुपमा सम्पन्न भएको छ|बेलायत को बिभिन्न शहरमा भव्यताका साथ यो चलचित्र चलिरहेको छ|त्यसै गरि कोरियामा पनि बहु प्रतिक्षारत  चलचित्र छ्क्का पन्जा गत अक्टोबर ९ को दिन दशैको अबशर पारेर जिन्जुमा भब्यताका साथ प्रदर्शन भएको थियो ।

त्यस्तै अन्य शहरहरुमा पनि धमाधम  प्रदर्शनको तयारिमा रहेको छ ।

✌✌२३ अक्टोबर मोक्पोमा अन्लाईन रेडियो गोर्खाली र नया सन्चार डट कमको संयुक्त आयोजनामा ॐ बहादुर कार्की सहयोगार्थ प्रदर्शन हुने ।

✌✌३० अक्टोबर जेजुदो

✌✌५ नोवेम्बर नेपाली एकता समाज गजेको आयोजनामा गजेदोमा प्रदर्शन हुने

✌✌६ नोभेम्बर छ्ङ्जुमा

✌✌१३ नोवेम्बर क्यन्सर पिडित बिरामी सहयोगार्थ बूसानमा  प्रदर्शन हुने

✌✌१३ नोवेम्बर राप्ती  समाजको आयोजनामा सौल मा प्रदर्शन हुने

✌✌२० नोभेम्बर थेजनमा शेल्टर निर्माण सहयोगार्थ  प्रदर्शन हुने

साथै  थेगु  ,ख्वाङ्जु लगायत अन्य शहरहरुमा पनि चाडै प्रदर्शन मिती तय हुने कुरा कोरियाका लागि आधिकारिक वितरक राइजिङ स्टार ग्रुप कोरियाका अध्यक्ष सन्तोष कुमार राईले जानकारी गराएका छन् |

पशुपती प्रसाद,बिर बिक्रम जस्तो उत्कृष्ट चलचित्र भित्राएको राइजिङ स्टार ग्रुपले आफ्नो तेस्रो प्रस्तुति अन्तर्गत चलचित्र छ्क्का पन्जा भित्राएको छ।