उत्तर कोरियाको ब्यालेस्टिक क्षेप्यास्त्र प्रक्षेपण गम्भिर चुनौंती :राष्ट्रपति पार्क
ऐश्वर्य श्रेष्ठ,सोल-
दक्षिण कोरियाका राष्ट्रपति पार्क गुइन हेले उत्तर कोरियाले हालैं गरेको ब्यालेस्टिक क्षेप्यास्त्र प्रक्षेपण आफनो देशको लागि गम्भिर चुनौंती भएको बताएकी छिन् ।राष्ट्रपति पार्कले उत्तरकोरियाप्रति आफु कठोर हुनसक्ने समेत चेतावनी दिईन ।
उत्तर कोरियाले हालै विकास गरेको ब्यालेस्टिक क्षेप्यास्त्र सफल प्रक्षेपण गरेकोमा दक्षिण कोरियाले गम्भीर रुपमा चासो व्यक्त गरेको हो ।उत्तर कोरियाले शनिबार पनडुब्बीबाट क्षेप्यास्त्र परीक्षण गरेको हो । दक्षिण कोरियाको प्रतिरक्षा मन्त्रालयका प्रवक्ता किम मिन सिकले भने– हाम्रो सैनिक उत्तर कोरियाले गरेको भनेको सो क्षेप्यास्त्र परीक्षणबाट गम्भीर रुपमा चिन्तित र दुःखी बनेको छ ।
सोमबार राजधानी सोलमा आयोजित सो नियमित पत्रकार सम्मेलनका क्रममा उनले उत्तर कोरियाले गरेको यस परीक्षणबाट उत्तरपूर्वी एसिया र कोरियाली प्रायद्वीपमा नराम्रो असर पार्ने बताए ।
उत्तर कोरियाली नेता किम जोङ उनले व्यक्तिगत रूपमा उक्त क्षेप्यास्त्रको परीक्षण प्रक्षेपण गर्न आदेश दिएका थिए ।
यसअघि पनि उत्तर कोरियाले क्षेप्यास्त्र परीक्षण गरेको थियो तर पनडुब्बीबाट नभई भूमि वा पानीको माथिल्लो सतहबाट क्षेप्यास्त्र प्रक्षेपण गरेको विश्वास गरिएको छ ।
