कि रा या बुसानद्वारा कार्यक्रम सम्पन्न
कोरियाको नयाँ वर्ष तथा ठुलो चाड सलनालको दोस्रो दिन सोमबार किरात राई यायोक्खा बुसानले रातृभोज तथा मनोरञ्जनात्मक कार्यक्रमको आयोजना गरेको थियो । बुसान स्टेशन नजिकै रहेको न्यु लिटिल इन्डिया नेपाली रेष्टुराँमा भएको कार्यक्रममा भेला भएका नेपालीहरुले विभिन्न कार्यक्रम गरि मनोरञ्जन गरेका थिए । किराती बाजा ढोल झ्याम्टासहितको साकेला गीति धुनसँगै सुरु भएको कार्यक्रममा किराती युवाहरुले साकेला सिलि गरेर उपस्थित दर्शकलाई मनोरञ्जन प्रदान गरे ।
कि रा या बुसानका सचिब बिनोद बान्तावाद्वारा सन्चालित सो कार्यक्रम सस्थाका अध्यक्ष श्री रबिन राई एन सि सि बुसानका अध्यक्ष श्री सङ्गीत अधिकारी, जनसम्पर्क समिती बुसानका सभापती श्री सुबास थापा मगर र एन सि सि बुसानका सस्थापक अध्यक्ष श्री बिश्णु श्रेस्ठ क्रमश सभापती, विशेष अतिथी र अतिथिको रुपमा रहनुभयेको थियो । फेसबुकमा मात्रै प्रकाशित सुचनाको आधारमै पनि बुसान भन्दा टाढाको सहर थेगु, छाङ्वन, उल्सान साथै बुसान लगाएत किमे याङ्सानबाट आउनुभएका लगभग ८० जना विशिष्ट ब्यक्ती ब्यक्तित्वहरु बिच सम्पन्न कार्यक्रमका सम्योजक तथा सस्थाका सकृय सदस्य सजिन राईले कार्यक्रम बारे, सस्थाका उपाध्यक्ष तथा साकेला नृत्य सम्योजक आनन्द राईले साकेला उभौली र उधौली पर्वको परिचय र किरात राई समुदायमा त्यस्को महत्वबारे प्रकाश पारेका थिए ।
त्यसैगरि विशेष अतिथी सङ्गीत अधिकारी, अतिथीहरु सुवास थापा मगर र बिश्णु श्रेस्ठले शुभकामना साथै विभिन्न महत्वपुर्ण कुराहरु मन्तब्य मार्फत व्यक्त गरे । । मन्तब्यकै क्रममा कार्यक्रमका सभापती रबिन राईले सस्थाको उदेश्य र एक बर्सभित्र गरेका सामाजिक कार्यहरु प्रस्ट पार्दै बैशाख पुर्णिमामा मनाइने उभौली साकेला पर्व यस कि रा या बुसानले पनि बुसान मा भब्यताका साथ मनाउने तयारी गरिरहेको जानकारी गरे । छोटो औपचारिक कार्यक्रम पछि रात्री भोज सङ्गै सुरु भएको मनोरन्जनात्मक कार्यक्रममा स्थानिय कलाकारहरुले गित, नृत्यको माध्यमबाट उपस्थित सबैलाइ मनोरन्जन दियेका थिए साथै कोरियाको कार्य ब्यस्तताबाट केही दिन स्वतन्त्र भयेका उपस्थित नेपाली युवा युवतिहरु प्रबासमा रहनु पर्दाको दुख पीडालाई केही समयलाइ भयेपनी बिर्सेर नेपाली गित सङ्गीत मा डान्स गर्न झुमेका थिए ।
