खोटाङ हलेसी सांगितिक सौगातको आयव्यय सार्वजनिक
खोटाङ सेवा समाजले आयोजना गरेको “खोटाङ हलेसी सांगितिक सौगात भाग ५” को आयव्यय सार्वजनिक गरिएको छ। सलनालको दोश्रो दिन जनवरी २९ तारिख सम्पन्न कार्यक्रमको कूल आय ७ करोड बहत्तर लाख ६ हजार २ सय ७२ वन रहेको छ भने ७ करोड ५२ लाख ७८ हजार ९ सय ५० वन खर्च भएको छ। उक्त कार्यक्रम मार्फत १९ लाख २७ हजार ३ सय २७ वन मुनाफा भएको छ । थप टिकट र सहयोग गरि २० लाख ४२ हजार वन संकलन हुन बाँकि रहेको समाजले जनाएको छ।
प्रमुख अतिथि एवम पूर्वी नेपाल समाजका अध्यक्ष केदार निरौलाले सलनालको मौसम कार्यक्रमको गर्नका लागि प्रतिकुल रहेको बताएका थिए। साथै उनले आफू स्वंय दोङ्देमुन ३ नम्बर गेटमा खट्दै गर्दा आयोजकबाट यातायातको प्रवन्ध कमजोर भएका कारण दर्शकहरु फर्किएका बताएका थिए। संस्थाका अध्यक्ष सुष्मा रानाहँमाले कार्यक्रम सम्पन्न गराउन सहयोग गर्नुहुने सबैलाई धन्यवाद व्यक्त गरेका थिए। यसैगरी पूर्वी नेपालको नियम अनुसार कार्यक्रम सोचेजस्तो आर्थिक मुनाफा नभए वैकल्पिक कार्यक्रम मार्फत खोटाङ सेवा समाजले अगस्टको मध्यतिर पिकनिक आयोजना गरिने जानकारी गराएकि थिइन्। 
संस्थाका पूर्व अध्यक्ष एवम कार्यक्रम संयोजक अ्मृत राईले छोटो समयमा कार्यसमितिले आँट गर्नु नै ठूलो भएको बताउँदै एनसिसीको भुमिका सन्तोषजनक नभएको बताएका थिए। यसैगरी नेपालका महँगा कलाकारले मूल्य बढाएमा त्यस्ता कलाकारलाई ल्याउनु भन्दा अन्य कलाकार ल्याउन सुझाएका थिए। संस्थाका वरिष्ठ सल्लाहकार एवम कार्यक्रम उप संयोजक लोचन राईले कार्यक्रम आयोजना गर्दै गर्दा सौल केन्द्रीत मँहगो खर्चमा भन्दा सुवन आसपास कार्यक्रम गरिए सफल हुने बताएका थिए।
कास्कि परिवारका अध्यक्ष सन्तोष पौडेलले गतहप्ता कास्की परिवारले आयव्यय सार्वजनिक गर्दैगर्दा केहि व्यक्ति र संस्थाहरुको नामावली बाहिर आएको प्रति दुख व्यक्त गर्दै उक्त घटना संस्थाको नियत र निर्णय नभएको स्पष्ट पारेका थिए। 
सामाजिक कल्याणकारि सहयोगार्थ आयोजित कार्यक्रममा सविन राई एन्ड फारोह व्याण्ड र केहर सिंह लिम्बूले प्रस्तुति दिएका थिए। 
