सन्तोष लिम्बू बने ‘पुल प्रतियोगिताका’ च्याम्पियन

दोश्रो पुल प्रतियोगिताको उपाधि सन्तोष लिम्बूले जितेका छन्। उनले फाइनल प्रतिस्पर्धी  रवि शर्मालाई पराजित गरेका हुन्। उनले १५ लाख वन नगद पुरस्कार ट्रफी मेडल र प्रमाणपत्र प्राप्त गरेका थिए।

यसैगरी प्रतियोगितामा रवि शर्मा दोस्रो भएका छ्न्। उनले ८ लाख वन साथै ट्रफ्री मेडल र प्रमाणपत्र प्राप्त गरेका थिए। फाइनल खेल बेष्टअप फाइभ सेटमा खेलाएको थियो । विजेता लिम्बुले पहिलो एक सेट र दोस्रो, तेस्रो साेझो सेटमा जितेको थियो ।  तेस्रो स्थान हासिल गर्ने अर्बिन राना र निगस जंग मगर थिए। उनिहरुले २ लाख वन सहित मेडल र प्रमाणपत्र पाएका थिए।

सुरुमा कालो बल छिराउने प्रदिप राना मगरलाई पनि पुरस्कृत गरिएको छ उनले इन्ट्री फी बराबरको ७० हजार वन प्राप्त गरेका छन्।

ह्वासङ स्थित फारानको नेवारी खाजा घरको पुल हाउसमा आयोजित प्रतियोगिताका विजेतालाई ह्वासङ नेपाली परिवारका अध्यक्ष सजना यक्सो , प्रमुख अथिति गैर आवासीय नेपाली संघ ( NRNA)का अध्यक्ष वुद्धि गुरुङ लगायतले पुरस्कार वितरण गरेका थिए। ह्वासङ नेपाली परिवारको आयोजनामा हिजो आइतवार  प्रतियोगिता सम्पन्न भएको थियो । प्रतियोगीतामा ६४ टिम सहभागी भएको थियो ।

तस्वीर – अमिर योञ्जन