नेता नेपालले कोरियाको कृषि आधुनिकीकरणको अवलोकन गर्ने
सोल-एमाले नेता तथा पुर्व प्रधानमन्त्री माधवकुमार नेपाल अवलोकन भ्रमणका लागि मंगलबार दक्षिण कोरिया आएका छन् । उनलाई इन्च्छन बिमानस्थलमा कोरियाका लागि नेपाली राजदूत कमानसिंह लामा,ब्यबसायी रुद्र शर्मा,ओएनएफका अध्यक्ष शालिक बसेल लगायतले स्वागत गरेका थिए |
ख्वांन्गजु सिटी सरकार र कोरियन डाक्टर जन सडं ह्यडंको निमन्त्रणा र व्यवसायी तथा समाज सेवी रूद्र शर्माको पहलमा – ७ दिने भ्रमणका लागि नेपाल कोरिया आएका हुन् । भ्रमणका क्रममा नेपालले कोरियामा कृषि आधुनिकीकरणको अवलोकन गर्नेछन ।
नेपालले ख्वांन्गजु सिटी सरकारको स्थानीय नेतृत्वसंग पनि आपसी हितका बिषयमा कुरा गर्ने व्यवसायी शर्माले जानकारी गराए । पुर्वप्रधानमन्त्री नेपालले सहरी बिकास ,टनेल निर्माण र त्यसको बिकास मोडलको अवलोकन गर्ने जानकारी गराईएको छ । नेपालले आगामी शनिवार देशको समसमायिक राजनैतिक अवस्था बारे नेपाली समुदायसंग सोलमा अन्तरक्रिया गर्नेछन् ।
पुर्वप्रधानमन्त्रि नेपालसंगै भ्रमण टोलिमा सिटीइभिटीका प्रमुख डा रामहरी सुवेदी र एक्यबद्धता मासिकका प्रकाशक निलकण्ठ तिवारी सहभागी छन ।
गत बैशाखको बिनाशकारी भूकम्प पश्चात ख्वांन्गजु सिटी सरकार र कोरियन डाक्टर जन सडं ह्यडंले उद्धार र राहत कार्यमा उल्लेखनीय सहयोग गरेका थिए ।
