कोरियामा ‘हिमालय’ कथा

सोल-अम होङ गील प्रख्यात कोरियाली पर्वतारोही हुन् । उनी ८ हजार मिटरभन्दा अग्ला संसारका १६ शिखरहरुको सफल आरोहण गर्ने पहिलो व्यक्ति हुन् । अमको  जिबनी, सहास र सफलतालाई लिएर कोरियामा सयौं पुस्तक प्रकाशन र डकुमेन्ट्री बनेका छन् । यसै सिलसिलालाई पछिल्लो समय लेखक तथा निर्देशक ली सक हुन चलचित्र ‘हिमालय’ निर्माण गरेर जोडेका छन् ।

चलचित्र ‘हिमालय’ सत्य कथामा आधारित चलचित्र हो । सन् २००० मा आरोहणको क्रममा पर्वतारोही गीलले दुई जना सहयोगी गुमाएको बिषयलाई निर्देशक लीले मार्मिक रुपमा पर्दामा उतारेका हुन् । अमका ती दुई सहयोगी सगरमाथा आरोहरणका क्रममा हिउं पहिरोमा परेर हराएका थिए । उनीहरुको शव २००४ मा फेला परेको थियो ।

२ घण्टा ४ मिनेट लामो ‘हिमालय’मा पचास प्रतिशत दृश्य सगरमाथा र कन्चनजङघा आधार क्षेत्रको देख्न पाइन्छ भने बांकी दृश्य कोरियाको खावन्दो र याङजु क्षेत्रमा छायाङकन गरिएको हो  । चलचित्रमा सुपरस्टार नायक ह्वाङ जङ मीनले अमको भूमिकामा रहेका छन ।

हिमालय क्षेत्रमा छायााङकन गरिको पहिलो कोरियन चलचित्र मानिएको यस चलचित्रको प्रथम प्रिमियाम शो आज सोलमा गरिएको छ । कोरियाका बिशिष्ठ नायक, नायिका, लेखक निर्देशक र पत्रकार उपस्थितिमा यङदम्फो सीजीभी हलको चारै तलामा बिहिबार बेलुकी ६.३० देखि सो शुरु भएको हो । यो सिनेमा हल कोरियाकै ठुलो सिनेमाहल मानिन्छ ।

सीजे इन्टरटेन्मेन्टले प्रस्तुत गरेको यस चलचित्रमा नायक ह्वाङ जङ मीनसहित छङ हु, छो सङ हा, कीम इन क्वन र ला मी रान आदि कोरियनको प्रमुख रुपमा भमिका रहेको छ । यसमा गम्भीरमान श्रेष्ठ लगायत तीन नेपाली कलाकारहरुले पनि अभिनय गरेका छन ।

प्रिमियम शो उदघाटन निर्देशक लीले छायाङकनका बेला कठिनाई सुनाए । उनले भने ‘हिमालयको कामगर्दा धेरै कठिनाइ भएको थियो तर कलाकार र स्टेपहरुको सहयोगले सफल भएको छ । सबैलाई धन्यवाद दिन चाहान्छु ।’

                                                                              चलचित्रका  नायक ह्वाङ जङ मीन

त्यस्तै नायक मीनले पनि आफलाई भन्दा दुख गर्ने स्टाफलाई ताली दिन अनुरोध गरेका थिए ।

डिसेम्बर १६ देखि कोरियाभर प्रर्दशन हुने ‘हिमालय’ हिउं पर्ने सिजनसंगै शुरु भएकाले दर्शकको मन जित्ने आशा चलचित्र टिमले लिएको छ ।