तमु धीँ कोरियाको अध्यक्षमा प्रदीप गुरुङ
धन गुरुङ
सोल-तमु धीँ कोरियाको सातौं साधारणसभाबाट अध्यक्षमा प्रदिप गुरुङ बिजयी भएका छन । दोङ्देमुन स्थित नेपाल हाउसको सभा हलमा आज सम्पन्न भएको साधारणसभाबाट आगामी २ वर्षका लागि नयाँ कार्यसमिति चयन भएको हो ।
अरु पदमा सर्वसम्मत भए पनि अध्यक्ष पदमा भने अन्तिम समयसम्म सर्वसम्मत हुन नसकेपछी निर्वाचनबाट अध्यक्षको छिनोफानो गरिएको थियो । अध्यक्षमा प्रदीप गुरुङले अर्को प्रतिद्वन्दी अमृत गुरुङलाई १८ मतान्तरले पछि पर्दै अध्यक्षमा निर्वाचित सफल भए । कुल ६८ मत खसेकोमा प्रदिप गुरुङले ४२ मत र अमृत गुरुङले २४ मत प्राप्त गरेका थिए ।
तमु धीँको नयाँ कार्यसमितिमा वरिष्ठ उपाध्यक्ष प्रीतम गुरुङ, उपाध्यक्ष रिता गुरुङ , महासचिव श्रीराम गुरुङ , संगठन सचिव हिमांशु गुरुङ, प्रचारप्रसार सचिव सुनिल गुरुङ , कोषाध्यक्ष अनु गुरुङ र सह कोषाध्यक्ष ममता गुरुङ निर्बिरोध निर्वाचित भएका छन ।
सुरज गुरुङ्को सभापतित्वमा सम्पन्न सातौं साधारणसभाको प्रमुख आतिथीमा नेपाली दूतावास दक्षिण कोरियाको श्रमसहचारी अनिल गुरुङ रहनुभएको थियो । त्यसैगरी आतिथीहरुमा आदिवासी जनजाति महासंघ दक्षिण कोरियाका अध्यक्ष चित्र बहादुर मोक्तान , गैरआवासीय नेपाली संघ दक्षिणका उपाध्यक्षहरु जुनु गुरुङ, लक्ष्मी गुरुङ, बिपिन गुरुङ , बौद्ध परिवारका अध्यक्ष ईश्वर गुरुङ , स्याङ्जा परिवारका अध्यक्ष धर्म गुरुङ , कास्की परिवारका अध्यक्ष खोमप्रसाद गुरुङ , लमजुङ परिवारका अध्यक्ष धन गुरुङ , नेको परिवारका अध्यक्ष बेल गुरुङ , ओखलढुंगा समाजका अध्यक्ष मानसिंह गुरुङ , रोहित गुरुङ सुनाखरी ब्याण्ड , श्रीमती लिना गुरुङ अन्नपूर्ण दुधपोखरी समाज, धावा छिरिङ अध्यक्ष मुस्ताङ परिवार र भिम गुरुङ संरक्षक तमु धीँ रहनु भएको थियो ।
कार्यक्रममा बोल्दै श्रम सहचारी अनिल गुरुङ्ले सामाजिक क्षेत्रमा मात्रै होइन राजनीतिक क्षेत्रमा पनि तमुहरु अग्रसर भएर लाग्नुपर्ने बताए । कोरियामा तमुलाई मात्रै नभई कुनै पनि नेपालीलाई दुःख पर्दा सम्पुर्ण तमु धीँले सघाउनुपर्ने उनकाे भनाई थियाे । त्यसैगरी जनजाति महासंघ काेरियाका अध्यक्ष चित्र बहादुर तामाङ्ले पहिचानकाे लागि बिदेशबाट पनि अावाज दिनुपर्ने बताए ।
प्रमुख आतिथी श्रमसहचारी अनिल गुरुङले दिप प्रज्वलन गरि सुरु भएको कार्यक्रममा अनु गुरुङ रिता गुरुङ र ममता गुरुङले ब्याज लगाई दिएका थिए ।