कोरियन राजदूतले भने, ‘ ठुला छिमेकिको बीचमा रहेर कोरियाले इतिहास जोगाएको छ, नेपालले पनि सक्छ
काठमाडौं– नेपालका लागि कोरियाली राजदूत योङग जिनले नेपालजस्तै कोरियापनि ठुला दुई छिमेकिको विचमा रहेको भन्दै अहिलेको संकट समाधान गर्न नेपाल सक्षम हुने विश्वास व्यक्त गरेका छन् |
गृहमन्त्री शक्ति बस्नेतसँग आज भएको भेटमा उनले भने, ‘हामीपनि तपाईहरु जस्तै ठुला दुई छिमेकिको विचमा वसेर चार हजार वर्ष इतिहास जोगाउन सफल भएका छौ, तपाईहरुपनि लामो इतिहास भएको मुलुक हो, यस पटकको समस्यापनि छिटो समाधान होस् भन्ने कोरीयाली चाहना छ ।’
कोरियन राजदुतले कोरियामा शरिरलाई आनन्द दिनुछ भने थाइल्याण्ड जानु र मन र मष्तिकलाई आनन्द दिनुछ भने नेपाल जानु भन्ने धारणा रहेको समेत सो अवसरमा बताएका थिए ।
सिंहदरवार स्थित गृहमन्त्रालयमा भएको भेटवार्तामा नेपाल र कोरीयाको द्धिपिक्षिय हितका बारेमा समेत छलफल भएको थियो । सो क्रममा गृहमन्त्री वस्नेतले दक्षिण कोरीया नेपालको भरपर्दो विकास साझेदार मुलुक भएको भन्दै भुकम्पपछि दक्षिण कोरीया सरकारले नेपाललाई गरेको सहयोगको प्रशसा गर्दै आगामी दिनमा पनि कोरीया सरकारले नेपाललाई सहयोग जारी राख्ने विश्वास व्यक्त गरे ।
मन्त्री बस्नेतले भुकम्पपछिको पुर्ननिर्माणको काम सरकारको प्राथमिकतामा रहेको भन्दै त्यसमा सहयोग गर्ने कोरीयन प्रतिवद्धताको लागीपनि आभार व्यक्त गरे ।
जवाफमा भेटमा कोरीयन राजदुतले पुननिर्माणको लागी कोरीयन सरकारले सहयोग गर्ने प्रक्रिया अघि बढिसकेको बताएका थिए ।
