कोरियाको बिकास मोडल सिक्न पूर्व अर्थमन्त्रीको टोली कोरियामा
सोल – दक्षिण कोरियाले ४० बर्षको अबधिमा कसरी बिकासको फड्को मार्यो भन्ने बारेमा सिक्ने मुख्य उद्धेश्यसहित पूर्व अर्थमन्त्री तथा एमाले नेता सुरेन्द्र पाण्डेको नेतृत्वमा एक प्रतिनिधिमण्डल सोल आईपुगेको छ ।
कोरिया सेमाउल उन्दोड.को निमन्त्रणमा सोल गएको पाण्डे नेतृत्वको टोलीले बिकासबादी मोडल सेमाउल उन्दोड.को दश दिने बिश्व सम्मेलनमा सहभागिता जनाउनुका साथै कोरियाली प्रबिधि र सहयोग नेपाल भित्र्याउने बारेमा छलफल गर्नुहुने बताईएको छ ।
कोरिया ४० बर्ष पहिले नेपाल भन्दा गरीब र बिपन्न रहेकोमा सेमाउल उन्दोड. नामक ग्रामिण बिकास अभियान मार्फत कृषिमा आधुनिकीकरण गर्दै बिश्वको ११ धनी अर्थतन्त्रमा रुपान्तरित भएको हो ।
पाण्डे नेतृत्वको टोलीमा जिविसका कर्मचारीहरु बलराम लुइंटेल, रामहरी न्यौपाने, गौरीकान्त भट्टराई, बीबीसी नेपाली सेवाका पत्रकार र्इश्वरकुमार जोसी, पिप्ले नमूना सेमाउल गाउँका कृष्णराज पन्त, बिरबहादुर तामाङ तथा नेपाल सेमाउल केन्द्रिय परिषदकी र्इश्वरी पाण्डे छन ।
कोरियामा पिप्लेका किसान वीरबहादुर रार्इलार्इ सेमाउल सडक परियोजनामार्फत पिप्लेलार्इ सहरीकरण गर्न पूर्ण रुपले सफल भएकोमा सेमाउल एवार्डबाट पुरस्कृत गरिने नेपाल सेमाउलका अध्यक्ष डा. नबराज पन्तले जानकारी दिनुभयो ।
संयुक्त राष्ट्रसंघीय बिकास कार्यक्रम युएनडीपीले सन् २०१५ बाट विश्वबाट गरिबी उन्मुलन गर्न विश्वभर सेमाउल गाइड लाइन प्रस्तुत गरेको छ । नेपाल समोउल उन्दोड. सेन्टरले चितवनको पिप्लेमा कोरियाली मोडलको बिकास कार्यक्रम संचालन गरिरहेको छ । नेपालको चितवन जिल्लास्थित पिप्ले गाबिसमा सेमाउलको सफल प्रयोग भए पश्चात सन् २०१३ मा नेपाल सेमाउलका अध्यक्ष नवराज पन्तलाई कोरियाको सरकारले राष्ट्रपतीय अवार्डले सम्मान गरेको थियो भने अहिले १६ वटा देशका ६२ वटा गाउँहरुमा सेमाउल अभियान संचालन गरिएको छ ।
कोरियाले कोरियाली सहयोग नियोग कोइकामार्फत नबलपरासी जिल्लामा बिकास आयोजना संचालन गर्ने गरी ८० करोड रुपैया परिचालन गरेको छ ।