शुभकामना आदानप्रदान गर्दैं अनलाईन वेभ टिभिको तिहार कार्यक्रममा रमाए नेपाली
सोल-दक्षिण कोरियाको राजधानी सोल नजिकैं होङ्दे स्टेसनस्थित रहेको शान्ती-१ रेष्टुरेन्टमा भेला भएका शनिबार दिदीबहिनीहरुबाट उपस्थित दाजुभाइले टिका लाउनुका साथैं शुभकामना आदानप्रदान गर्दैं दिपावली मनाएका छन् ।अनलाइन वेभ टिभिले आयोजना गरेको रमाईलो देउसी भैंलो तथा दिपावली साँझ २०७२ मा विभिन्न संघसंस्थाका प्रतिनिधिहरुको समेत उपस्थिती रहेको थियो ।
देउसी भैंलो खेल्दैं दिपावली मनाऊ,प्रवासमा नेपाली संस्कृति झल्काऊ भन्ने नाराकोसाथ आयोजन गरिएको सो कार्यक्रममा प्रमुख अतिथि एसिया प्यासिफिक पुर्व संयोजक गंगाराज राई सो कार्यक्रममा बोल्दैं भने प्रवासमा आएर नेपाली संस्कृतिलाई चिनाउनुको साथैं यसलाई जगेर्ना गर्नुपर्ने बताए ।
एन आर एन दक्षिण कोरियाका अध्यक्ष राजु क्षेत्रीले सांस्कृतिक र भाषिक विविधिता भएको हाम्रो देश नेपाल मौंलिक संस्कृतिमा धनी रहेको हुनाले यसलाई नेपालीहरुले आफुसंगैं कला संस्कृति लिएर जाने भएकाले विश्वव्यापीकरण हुदैं गएको बताए ।
त्यसैंगरी महिलाका लागि महिलाका अध्यक्ष मल्लिका थकालीले हामी नेपाली जहाँ रहेपनि एक सम्पुर्ण एक जुट भएको संदेश प्रवाह गर्न आजको आवश्यकता भएको औंल्याईन् । नेपाली दिदीबहिनीहरु अहिले हरेक क्षेत्रमा आवद्ध रहदैं आएका छन् जसले नेपाली दिदीबहिनीहरुमा चेतना अभिवृद्धि भएका बताइन् ।
नेपाली वेभ टिभिका संस्थापक निर्देशक ऐश्वर्य श्रेष्ठको सभापतित्वमा सम्पन्न भएको सो कार्यक्रममा एन आर एन उपाध्यक्ष जुनु गुरुगं र लक्ष्मी गुरुंग,एनसिसि उपाध्यक्ष जीत गुरुंग,एनआर एन सचिव राजुसंतोषी थापा,पुर्वाञ्चल सरोकार मञ्चका अध्यक्ष काजी नेपाल,जनाधिकार मञ्च दक्षिण कोरियाका कार्यकारी अध्यक्ष गणेश कालीकोटे लगायतको उपस्थिती रहेको थियो ।
मेघप्रसाद बाईबा र सपना सुनुवारले संयुक्त रुपमा कार्यक्रम चलाएका थिए भने अनलाईन वेभ टिभिका व्यवस्थापक तथा कार्यक्रम संयोजक उमेश राईले स्वागत मन्तव्य दिएका थिए ।देउसी भैंलो खेल्नुका साथैं स्थानीय कलाकार साम लिम्बू, अशोक थुलुंग,जीवन लामा लगायतले भरपुर मनोरञ्जन दिलाएका थिए ।
