जनजाती महासंघ कोरियाले पहिचानको आन्दोलनलाई समर्थन गर्ने

सोल-जनजाती महासंघ कोरियाले नेपालमा भईरहेको जातीय पहिचान सहितको संघियता र संघियता सहितको संविधानको लागी आर्थिक र नैतिक समर्थन गर्ने भएको छ l १३ तारिक आइतबार सोलस्थित नेपाल हाउसमा बसेको चौथो कार्यसमितिको पहिलो बिस्तारित बैठकले सो निर्णय गरेको हो l

महासंघका अध्यक्ष चित्र मोक्तानको अध्यक्षतामा बसेको बैठकले नेपालमा भइरहेको पहिचानको आन्दोलनलाई सरकारले बन्दुकको भरमा दबाउन खोजेको निष्कर्ष निकाल्दै सरकालाई बार्ताको मध्यमबाट समस्या समाधान गर्न आग्रह गरेको छ l

बैठकले सचिबालय समेत गठन गरेको छ l सचिबालय अन्तर्गत अध्यक्ष, बरिष्ठ उपाध्यक्ष, महासचिब, प्रवक्ता र एकजना सदस्य रहने गरी निर्णय गरेको छ l उक्त बिस्तारित पहिलो बैठकले पबन राई लाई बरिष्ठ उपाध्यक्षमा चयन गरेको छ भने प्रवक्तामा ठाकुर भुजेललाई चयन गरेको छ l

महासंघका निबर्तमान अध्यक्ष भक्त शेरचन संयोजक रहने गरी ९ ओटा जातीय संस्थाका १ जना प्रितिनिधि रहने गरी सल्लाहकार समित्ति गठन गर्ने निर्णय समेत गरको छ l साथै छिटैनै सम्पूर्ण जातीय संघ संस्था र जनजातीलाई समेटने गरी बृहत अन्तरक्रियाकार्यक्रम गर्ने निर्णय समेत गरिएको छ l

बिभिन्न बिभाग गठन गर्ने निर्णय अन्तर्गत संचार विभागमा ३ जना लाई चयन गरेको छ l जस अन्तर्गत नोमराज गुरुङ, जीबी लामा, र रोशन राई रहेका छन् l

उक्त बैठकमा कार्यसमितीका सम्पूर्ण पदाधिकारीहरुको उपस्थित थियो भने निवर्तमान अध्यक्ष भक्त शेरचन, निबर्तमान महासचिब यम श्रीस मगर,एनआरएनका सदस्य नवराज तामाङ्,वोमेन फर वोमेनकी अध्यक्ष तथा जनजाती महासंघ उपाध्यक्ष मल्लिका थकाली, लक्ष्मी गुरुङ, नेफेसो कोरियाका उपाध्यक्ष देवराज स्यांगतान लगाएत व्यक्तिहरुको उपस्थित रहेको थियो l