मोक्पोमा दूतावासको घुम्ति सेवा सम्पन्न, राजदूतद्वारा गुम्बामा माने अनावरण
जुन २२ आइतवार नेपाली राजदूतावासले मोक्पोमा घुम्ति सेवा सम्पन्न गरेको छ। यस घुम्ति सेवालाई मोक्पो साम्हो साझा चौतारी- किराँत याक्थुङ् चुम्लुङ् छल्लादो-नेपाल मगर संघ मोक्पो छल्लादो शाखाले संयुक्त व्यवस्थापन गरेको थियो।
राहदानी नवीकरण (E-Passport Renewal) घुम्ती साथै राजदुत डा. शिवमाया तुम्बाहाङ्फेको प्रमुख आतिथ्यतामा अन्तरक्रिया कार्यक्रम र अतिरिक्त श्रमिक सचेतना तथा मानसिक स्वास्थ्य समस्या सम्बन्धि काउन्सेलिङ कार्यक्रम पनि सम्पन्न गरिएको थियो। यसैगरी मोक्पोमा अवस्थित हुन्डाई साम्हो पानीजहाज कम्पनीको निमन्त्रणामा नेपाली राजदूतद्वारा पहिलो पटक अफिसियल भ्रमण गरिएको थियो। भ्रमणका क्रममा कामदारको स्थिति , कम्पनीको वस्तुगत अवस्था अवलोकन गरिएको थियो। यस कम्पनीमा करिब एक हजार नेपाली कार्यरत छन्।
यङआमगुन् साम्होस्थित छुक्सङआम गुम्बामा निर्माण गरिएको मणि खोर्लो छुक्सङआम गुम्बामा राजदूतले मनि खोर्लो(माने) अनावरण गरेकि थिइन्।
“budha was born in nepal”मुल नारा राखेर दक्षिण कोरियाको छल्लानाम्दो यङआमगुन् क्षेत्रमा वसोवास गरिरहनु भएका नेपाली समुदायको सक्रियतामा दुई देशबीच धार्मिक तथा सांस्कृतिक सद्भाव अभिवृद्धि गर्ने उद्देश्यले उक्त माने राखिएको जनाइएको छ। 
