एनआरएन सचिबमा राजेन्द्र बस्यालको उम्मेदवारी

सोल-आउदो सेप्टेम्बर १२ र १३ मा हुने एनआरएन कोरियाको पाँचौ अधिबेशनको रौनक बढिरहेको बेला सचिब पदको लागी राजेन्द्र बस्यालले उम्मेदवारी दिने भएका छन् l गैर आवसीय नेपाली संघ कोरिया ब्यापारी वर्ग मात्रै हाबी भएकोले संस्था मजदुरमुखी हुनुपर्ने कुरामा जोड दिदै मजदुरहरुको हकहित र अधिकारको लागी मजदुरहरुको समस्यलाई केन्द्रमा राखी काम गर्ने बताए l

बस्यालले सामुहिक लगानीको अवधारणा ल्याई देश बिकासको मेरुदण्डको रूपमा अबको एनआरएनहरुको महत्त्वपूर्ण भुमिका हुनुपर्ने उल्लेख गर्दै एनआरएन कोरियाको सचिब पदमा उमेरद्वारी दिन लागेको बताए | उनले कोरिया रहदा स्याङ्जा परिवार, जन अधिकार मन्च कोरिया, आन्सान वाइट ग्रुपामा सदस्य रही काम गरी अन्य गतिबिधिमा अनिश खालिङ राई बचाउ अभियान , सुनकोशी बाडिपिडितलाई आर्थिक सहयोग संकलन अभियान, बिनासकारी महाभुकम्प पिडितहरुलाई सहयोग संकलन अभियान जस्ता थुप्रै सफल अभियानहरुमा लागी समाजसेवा गरेका छन् l

बिगत ३ बर्ष ६ महीना अघि रोजगारीको शिलशिलामा कोरिया बस्दै आएका उनी कोरियामा रहेका नेपालीहरुको दुखसुख र अप्ठ्याराहरुमा साथ दिंदै मैत्रीपूर्ण समाज निर्माण गर्न लागि आफुले सचिब पदमा उमेरद्वारी दिन लागेको बताए |

सचिब पदमा आफुलाई सहयोग गर्न कोरियामा रहेका ब्यापारी, बुद्दिजिबी, बिध्यार्थी, पत्रकार र सम्पूर्ण नेपाली जनसमुदायलाई राजेन्द्र बस्यालले हार्दिक आग्रह गरेका छन् |