अटिजम बालाबालिकाको क्षेत्रमा कार्यरत सबिता अन्तरराष्ट्रिय सम्मानबाट सम्मानित
काठमान्डौ – इन्टरनेशनल सरकल फर फिजिकल्ली एन्ड मेन्टल च्यालेन्ज स्टुडेन्ट्स क्वालिटी साइकल(ICPMCSQC)- मरिसियस देशबाट नेपालको बिशेष स्कुल तथा पुनर्स्थापना केन्द्र (SSDRC) को संचालिका युवा सामाजिक अभियान्ता सबिता उप्रेती अन्तराष्ट्रिय सम्मानबाट सम्मानित हुनु भएको छ ।
ICPMCSQC को दशौ बर्षमा प्रवेश गरेको अवसरमा बिभिन्न राष्ट्रको ब्यक्त्तित्वहरुलाई सम्मान गर्ने क्रममा मे २५ देखी २९ सम्म मरिसियसमा भएको सम्मान कार्यक्रममा नेपालमा बिशेष बालबालिकाहरुको क्षेत्रमा अहम भूमिका निर्वाह गरेको भनी विगत लामो समय देखी अटिजम बालबालिकाहरुको सेवामा आफुलाई समर्पित गर्दै आउनु भएको नेपाली चेली युवा सामाजिक अभियान्ता सबिता उप्रेतीलाई नेपालको तर्फबाट सम्मानित घोषित गरि उक्त सम्मान ग्रहण गर्न मरिसियस बोलाएको थियो तर देशमा भुकम्पको कारणले गर्दा देश रोइरहेको बेलामा उनि सम्मान लिन जान सकिनन् ।
त्यति बेला उनि नेपालको बिभिन्न ठाउमा नेपालीहरुको दु:खमा मलम लगाउनको लागि राहत बितरण गर्न दिन रात खटिरहेकी थिईन । त्यसैले सो सम्मान संस्थाले कुरियर मार्फत नेपाल पठाइ दिएको थियो | SSDRC को बालबालिकाहरु र अभिभावकहरु बिच तीज बिशेष अनौपचारिक दर खाने कार्यकक्रममा SSDRC को बालबालिकाहरुको हातबाट उप्रेतिले उक्त्त सम्मान ग्रहण गर्नु भएको थियो ।
