फिफाको अध्यक्ष पद कोरियाली अर्बपति चुङको दाबी


पेरिस- दक्षिण कोरियाली अर्बपति व्यापारी चुङ मुङ जुनले सोमबारबाट पद त्यागको योजनामा रहेका फिफा अध्यक्ष सेप ब्लाटरको आलोचना गर्दै औपचारिक रूपमा आगामी कार्यकालका लागि अध्यक्षमा उम्मेदवारी घोषणा गरेका छन्।
 
चुङले आफू निर्वाचित भए भ्रष्टाचारको विवादमा फसेको विश्व फुटबलको सर्वोच्च निकायलाई चारवर्षे कार्यकालमा विवादमुक्त गराउने नाराका साथ चुनावी अभियान थालेका छन्।’अहिले फिफा विभिन्न विवादका कारण चरम संकटमा फसेको छ। यस्तो अवस्थामा फिफा अध्यक्ष पदमा एउटा क्राइसिस म्यानेजर आवश्यक छ।
 
जसले फिफालाई पुनर्संरचनाको बाटोमा अघि बढाउन सकोस्,’ फिफाका पूर्व उपाध्यक्ष ६३ वर्षे चुङले पेरिसमा आयोजित पत्रकार सम्मेलनमा सोमबार भने, ‘फिफाको मुख्य समस्या भनेको भ्रष्टाचारमा संलग्नहरूले यसलाई लुकाउन खोजिरहेका छन्। पछिल्लो चार दशकदेखि एउटै मानिस (ब्लाटर) ले फिफालाई हाँकिरहेकाले यो संस्था भ्रष्टाचारको बदनाम थलो बनेको हो।
 
असीमित अधिकारले असीमित भ्रष्टाचारको बाटो खोल्छ।’फिफाको साधारणसभाअघि मे महिनामा जुरिचको एक होटलमा फिफाका सात अधिकारी भ्रष्टाचारको अभियोगमा पक्राउ परेपछि विश्व फुटबलको सर्वोच्च निकाय विवादमा नराम्ररी फसेको थियो।
 
 
टेलिभिजन प्रसारण अधिकार तथा मार्केटिङसम्बन्धी सम्झौतामा १५ करोड अमेरिकी डलर भ्रष्टाचार भएको आरोप लागेका १४ मध्ये सात जुरिचबाट पक्राउ परेका थिए। तर, व्यक्तिगत रूपमा ब्लाटरमाथि भने भ्रष्टाचारको कुनै आरोप छैन।
 
 
हुन्डाई व्यावसायिक समूहका मुख्य मालिकमध्येका एक चुङले आफू फेब्रुअरीमा हुने साधारणसभाबाट निर्वाचित भए पनि एक कार्यकालमात्र अध्यक्षमा काम गर्ने बताए। ‘म फिफालाई चार वर्षमा परिवर्तन गर्न सक्छु। विश्वभरका फुटबल समर्थकसँग यो मेरो प्रतिबद्धता हो,’ उनले भने, ‘दशकौंदेखि भ्रष्टाचार झाँगिएको फिफामा सुझबुझ भएको, पारदर्शी र उत्तरदायी नेतृत्व आवश्यक छ।’
 
 
युरोपेली फुटबलको सर्वोच्च निकाय युइएफएका अध्यक्ष मिचेल प्लाटिनी, ब्राजिलका महान फुटबलर जिको र लाइबेरियाली फुटबल संघका प्रमुख मुसा बिलिटीले पनि फिफा अध्यक्षमा उम्मेदवारी घोषणा गरिसकेका छन्। यसैगरी फिफाका अर्का पूर्वउपाध्यक्ष जोर्डनका राजकुमार अली बिन अल हुसेनले पनि विश्व फुटबलको सर्वोच्च पदका लागि प्रतिस्पर्धामा आफूलाई उतारेका छन्।-नागरिक
 
 

आफ्नो प्रतिक्रिया दिनुहोस |
सम्बन्धित शिर्षकहरु
  • क्यान्सर रोगीहरूको मानसिक स्वास्थ्यमा सकारात्मक प्रभाव पार्न नेपालमा बस्न चाहान्छु – टेरिसा तामाङ
  • मकवानपुर म्यूजिकल शो स्थगित
  • कोरियन एयरको उडान प्रतिबन्ध ल्याउने तयारी
  • बा
  • ईपिएस

    कोरियन विशेष भाषा परीक्षा CBT को नतिजा प्रकाशन, आफ्नो स्कोर कसरी हेर्ने ?

    कोरियन विशेष भाषा परीक्षा ( Special EPS TOPIK, 2023 (CBT) तर्फको भाषा परीक्षाको नतिजा प्रकाशित भएको छ । बुधवार (सेप्टेम्बर १३) प्रकाशित नतिजा अनुसार २७ सय ३९ जाना उतिर्ण भएका छन् । HRD Service of Korea वाट मिति २०८० भाद्र १८ गते देखी २०८० भाद्र २२ गते सम्म परिक्षा संचालन भएको थियो । इपिएस ...

    भाषा परीक्षा रोकिए नेपालीले अवसर गुमाउँछन् : एचआरडी कोरिया

    दक्षिण कोरियाले रोजगार अनुमति प्रणाली (ईपीएस) को भाषा परीक्षा रोकिए नेपालीले अवसर गुमाउने चेतावनी दिएको छ । कोरियाबाट फर्केर परीक्षामा उत्तीर्ण भएका ‘रिटर्नी’ हरूले आफूहरूलाई छनोट नगरे भाषा परीक्षा हुन नदिने धम्की दिएपछि कोरिया सरकारले यस्तो चेतावनी दिएको ...

    आगामी बर्षका लागि कोरियामा बढ्यो तलब, अझै पुगेन प्रति घण्टा १० हजार वन

    दक्षिण कोरियामा अर्को बर्ष अर्थात् सन् २०२४ का लागि न्युनतम ज्याला बढेको छ । यो बर्षको न्युनतम ज्याला ९६२० वन मा २४० वन अर्थात २.५ प्रतिशत प्रति घण्टा थप भएर ९८६० वोन हुने भएको हो । ज्याला निर्धारण समितिको हिजो बसेको बैठकले मतदान मार्फत ज्याला निर्धारण गरेको हो ...

    महिला / बालबालिका

    कोरियामा निर्मलाको अत्माहत्याले उब्जाएको प्रश्न

    मञ्जु गुरुङ ,, " म्याम म यहाँबाट निस्कन चाहन्छु । साइन मागेको पनि दिदैन । इलिगल बनाइदिन्छु भन्छ । काम पनि दिदैन । नेपालबाट आएको ६ महिना भयो । रिन ...

    कोरियामा महिलाका लागि महिलाका अध्यक्षमा पार्वती

    दक्षिण कोरियामा नेपाली महिलाहरुद्धारा संगठित महिलाको लागि महिला नाम संस्थाको अध्यक्षमा व्यवसायी तथा समाजसेवी पार्वती मोक्तान चयन भएका छन् । ...

    कोरियामा निबन्ध प्रतियोगितामा उत्कृष्ठ पुरस्कार प्राप्त लेख

    अलबिदा आमा -बाला राई निद्रामै थिएँ, म्यासेन्जरमा आएको फोनको घण्टीले ब्युझिएँ । हतार उठेर सिरानीनिर राखेको फोन तानें बिहानको छ बज्नै लागेको ...

    एनआरएन कोरियाले जुम मार्फत तिज मनाए

    एनआरएनए दक्षिण कोरियाले महिलाहरुको ठूलो चाड तिजलाई जुम मार्फत छलफल गरी मनाएका छन् । एनआरएन महिला संयोजकको नेतृत्वमा शुभकामना आदन प्रदान तथा ...