जनवरी २६ तारिख सुवनको मेगाबक्समा चलचित्र “कार्साङ” प्रदर्शन हुने
बहुप्रतिक्षित चलचित्र कार्साङ कोरियाको सुवनमा प्रदर्शन हुने भएको छ। जनवरी २६ आइतवारका दिन सुवन स्थित अत्याधुनिक सुविधा सम्पन्न मेगाबक्स हलमा लाग्ने निश्चित भएको हो।
चलचित्रलाई माङ्गेन्ना इन्टरटेनमेन्टले प्रदर्शन गर्न लागेको हो। कार्साङमा दयाहाङ राई, सिर्जना निङ्लेखु, जीतु नेपाल, दिया मास्के, यासेलि योङ्हाङ आदिको अभिनय हेर्न सकिन्छ।
चलचित्रलाई याम शेर्पाले लेखन तथा निर्देशन गरेका छन्। आपतकालिन राहत कोष स्थापनार्थ यस चलचित्रको पहिलो सौल शो सफलापूर्वक सम्पन्न भैसकेको छ।
