गणेश लिम्बूलाई अध्यक्षमा चयन गर्दै चुम्लुङ कोरियाको छल्लादो क्षेत्रमा शाखा विस्तार,
किरात याक्थुङ चुम्लुङ दक्षिण कोरियाले छल्लादो प्रान्तमा आफ्नो शाखा विस्तार गरेको छ। आज सम्पन्न चुम्लुङ शाखा गठन कार्यक्रमबाट गणेश लिम्बूलाई सर्वसम्मत अध्यक्षमा चयन गर्दै ३१ सदस्यीय कार्यसमिती निर्माण गरेको हो। चुम्लुङ कोरियाले बुसान, थेगु र जेजुदोमा यस अघि नै शाखा गठन गरिसकेको छ।
किरात याक्थुङ चुम्लुङका अध्यक्ष दिर्ज काङ्भा चुम्लुङ तुम्याहाङ संयोजक रहेको तुम्याहाङ प्रणालीबाट समिती गठन गरेको थियो। आजको सभाले वरिष्ठ उपाध्यक्षमा सुनिल फोम्बो उपाध्यक्षमा सुरेश आङ्देम्बे, दिप सेर्मा र दिवश लिम्बू लाई चयन गरेको छ।
महिला उपाध्यक्ष – सिर्जना माबो , सचिब – भुपेन्द्र फागो सह- सचिब – सुरज योङहाङ , कोषाध्यक्ष – लक्षिया लिम्बू र सह- कोषाध्यक्ष राजन लिम्बू रहेका छन्। यसैगरी सदस्यहरुमा पेप राज माबोहाङ , मोहन लिम्बू , समराज लाबुङ , सोलु लिम्बू , गोपाल लिम्बू , सुरेन्द्र निङ्लेखु , मिङ्सो लिम्बू , सन्जिब सौदेन , मिराक नेम्बाङ , सोभाहाङ लिम्बू , निसान आङ्देम्बे , बिराट फागो , बिजय शेर्मा , रबिन लिम्बू , प्रेम साबा लिम्बू , निशान लिम्बू , गगन लिम्बू , सबिन तावा , याम मोरोहाङ र बसन्त लिम्बू रहेका छन्। सल्लाहकारमा शान्तिला पालुङवा मुना लिम्बू शेशेफुङ शेर्मा दिलिप लावती पनि चयन भएका छन्।
नव निर्वाचित अध्यक्ष गणेश लिम्बूले सभालाई सम्बोधन गर्दै संस्थाम मुन्धुमको व्यापक प्रचार प्रसार गर्दै याक्थुङ समुदायको धार्मिक एवं साँस्कृतिक स्थलहरुको संरक्षण गर्ने मुख्य जिम्मेवारीलाई निभाउन चुम्लुङमा आवद्ध गराएर मौलिक सचेतनामा वृद्धि गर्ने लगायतका प्रतिबद्धताहरु व्यक्त गरेका थिए। यसैगरी चुम्लुङ कोरियाका अध्यक्ष दिर्ज काङ्भाले सभाबाट संकलित जिज्ञासाको उत्तर दिँदै चुम्लुङप्रति चिन्ता गर्नेहरुबाट नै चुम्लुङलाई निरन्तरता दिन सकिने र भविष्यमा योग्य नेतृत्व त्यसरी नै पाउन सकिने बताएका थिए।
चुम्लुङ केन्द्रबाट वरिष्ठ उपाध्यक्ष सन्तोष खेवा, निवर्तमान अध्यक्ष मिराक लिम्बू, उपाध्यक्ष देवेन्द्र काङ्भा, महासचिव बिनोद सौदेन, पूर्व महासचिव उत्तम खजुम, सदस्य थिमोस हुक्पा चोङ्बाङ र सदस्य शान्तिला पालुङ्वाको उपस्थिती रहेको थियो। छल्लादो प्रान्तको विभिन्न स्थानहरुबाट उल्लेख्य उपस्थिती रहेको कार्यक्रमलाई नव निर्वाचित सचिव भुपेन्द्र फागोले सञ्चालन गरेका थिए भने सल्लाहकार सेसेफुङ सेर्माले उक्त क्षेत्रमा चुम्लुङको आवश्यकता र औचित्यमाथि प्रकाश पारेका थिए। नव गठित कार्यसमितीलाई तुम्याहाङ संयोजक एवं चुम्लुङ अध्यक्ष दिर्ज काङ्भाले सपथ ग्रहण गराएका थिए।
