नेपाल फूटबल महासंघ दक्षिण कोरियाको नेतृत्वमा पुन: ब्रो तमू
![](https://www.fonijkorea.net/wp-content/uploads/2024/01/E633F6F9-E23B-45AF-9869-93B29754C17C-600x450.jpeg)
नेपाल फुटबल महासंघ दक्षिण कोरियाको दोश्रो अधिवेशन सम्पन्न भएको छ। निक नेपाल ट्राभल्सको सभाहलमा हिजो सम्पन्न अधिवेशनले ब्रो तमुलाई सर्वसम्मत अध्यक्षमा पुन: चयन गरेको छ। कोरियाको भौगोलिक क्षेत्रलाई आधार मानेर एक क्षेत्रबाट दुइजना प्रतिनिधित्व हुनेगरी कार्यसमिति गठन गरिएको छ्।
अधिवेशनले उपाध्यक्षमा हेमन्त गुरुङ (ख्याङ्साङ्गनाम्दो क्षेत्र ) उपाध्यक्ष- बिक्रम गुरुङ (छल्लानाम्दो क्षेत्र )महासचिव – राज थापा श्रेष्ठ (छन्छनबुक्दो क्षेत्र ) चयन गरिएको छ। सचिवमा- निरज जंग कार्की (छल्लाबुक्दो क्षेत्र ) कोषाध्यक्षमा मिन आले मगर (ख्याङ्गिदो क्षेत्र) र सह कोषाध्यक्षमा राज कुमार सुनुवार (छन्छननाम्दो क्षेत्र ) रहेका छन्। सदस्यहरुमा मदन दुलाल (ख्याङ्गिदो क्षेत्र ) नरेश शिरिष मगर (गजेदो क्षेत्र ) कमल पुडासैनी (छल्लानाम्दो क्षेत्र ) सरोज अधिकारी (छन्छनबुक्दो क्षेत्र ) बिधान राई (थेगु क्षेत्र ) युमेश गुरुङ (छन्छननाम्दो क्षेत्र) अमित योङहाङ लिम्बु (छल्लाबुक्दो क्षेत्र ) र तेजु गुरुङ (ख्याङ्साङ्गनाम्दो क्षेत्र) चयन भएका छन्।
पदभार ग्रहण पश्चात सभालाई सम्बोधन गर्दै कोरियामा नेपाली समुदायको फूटबल विगतको भन्दा अझ सुदृढ गरेर लाने अध्यक्ष ब्रो तमुले बताएका थिए। साथै फोनिज सँगको संवादमा अब चाँडै फूटबल प्रतियोगिताको लागि निवेदन आव्हान गरिने व्यहोरा पनि जानकारी गराएका थिए।
विभिन्न फूटबल क्लबका खेलाडी प्रतिनिधिहरुको उपस्थिति रहेको अधिवेशनमा जीत गुरुङ, जीबि लामा र मदन राई निर्वाचन मण्डलमा रहेका थिए। कोरोनाको महामारीको कारणले लामो समयसम्म फूटबल महासंघको अधिवेशन हुन सकेको थिएन।