ईपीएस कामदारलाई कोरियामा कडा नियम, तोकिएको क्षेत्रमा मात्र काम गर्नुपर्ने

दक्षिण कोरियाले रोजगार अनुमति प्रणाली ईपीएसमार्फत कोरिया आउने नयाँ कामदारलाई थप कडा नियम ल्याएको छ । बिहीबारबाट लागू भएको नयाँ नियम अनुसार कामदारले तोकिएको क्षेत्रमा मात्रै कार्यस्थल परिवर्तन गर्न सकिनेछ ।

यसअघि ईपीएसमार्फत आएका कामदारले इच्छाएको क्षेत्रमा तीन पटक सम्म कम्पनी परिवर्तन गर्न सक्थे । नयाँ नियम अनुसार दक्षिण कोरियालाई पाँच क्षेत्रमा बााढिएको छ ।

१- ख्याङ्गी, सोल र ईन्छन क्षेत्र (수도권 : 서울 ,경기,인천)
२- बुसान, उल्सान र ख्याङ्नाम क्षेत्र (경남권:부산,울산,경남)
३-थेगु, ख्याङबुक र खाङवान क्षेत्र (경뷱강원권:대구,경북,강원)
४-ख्वाङ्जु, जेजु, छल्ला नाम्दो र छल्लाबुक्दो क्षेत्र (전라제주권:: 광주,제주,전남 전부)
५-थेजन, सेजोङ, छुङछन नाम्दो र छुङ्छन बुक्दो (충청권:새종,충남,추북)

अबदेखि कामदारले आफू आएको क्षेत्रमा मात्रै कार्यस्थल फेर्न सक्नेछन् । यस्तो नियमलाई प्रवासी मजदुर युनियन एमटियूले भने विरोध गरेको छ ।

विदेशी कामदारलाई बढी सुविधा दिनुपर्नेमा झन् कडा कडा नियम ल्याएर बँधुवा मजदुरको रुपमा व्यवहार गर्दै आएको एमटियूले जनाएको छ । पहिलेदेखि नै कार्यस्थल परिवर्तन गर्दा रोजदाताको अनुमति चाहिने गर्दछ । दक्षिण कोरियामा ईपीएसमार्फत झन्डै ५० हजार कामदार काम गरिरहेका छन् । नेपाल, श्रीलंका, बंगालादेश लगायत १६ वटा देशबाट कामदार ईपीएसमार्फत कामदार कोरियामा आउँछन् ।

कोरियाली सरकारले गत जुलाईमै यस्तो नियम ल्याउने निर्णय गरेको थियो । मजदुर युनियनहरुको विरोधका कारण सेप्टेम्बरबाट नै लागू गर्ने नियम केही समय रोकिएको थियो । अहिले ईपीएसमार्फत कोरियामा काम गर्ने कामदारको संख्या चार लाखको हाराहारीमा छ ।

नयाँ नियम बारे एमटियू अध्यक्ष उदय राई