घेदुङ कोरियाले गर्ने अन्तरक्रियाको दोश्रो शृङ्खलामा मानवशास्त्री डा. मुक्त सिं तामाङ

नेपाल तामाङ घेदुङ दक्षिण कोरियाले मानवशास्त्री डा. मुक्त सिं लामा (तमाङ) सँग अन्तर्कृया गर्ने भएको छ । घेदुङले सुरु गरेको ‘गोतोजि छोर्तोजि’ (बुझौँ र जागौँ) भन्ने अन्तरक्रिया कार्यक्रमको दोश्रो शृङ्खला यही अक्टोवार २८ तारिखमा हुनेछ ।  

डा. तामाङसँग ‘तमाङहरुको आदिम थालो’ बिषयमा अन्तर्कृया  गर्ने कार्यकम संयोजक केशवमान तामङले फोनिज कोरियालाई बताएका हुन् ।  

डा. तामाङले कर्नेल युनिभर्सिटीबाट ‘हिमालयन इन्डिजेनिटीः हिस्ट्रीज, मेमोरी एन्ड आइडेन्टिटी एमंग तामाङ इन नेपाल’ (‘Himalayan Indigeneity: Histories, Memory and Identity Among Tamang in Nepal’) शीर्षकको मानवविज्ञानमा पीएचडी गरेका छन् । उनले सामाजिक समावेशीकरण, आदिवासी जनजाति र अन्य बहिष्कृत र अल्पसंख्यक समुदायको क्षेत्रमा धेरै अनुसन्धान अध्ययनहरू सञ्चालन गरेका छन्। यस सम्बन्धी धेरै लेख, पुस्तक तथा जर्नलहरू प्रकाशित भएका छन् । उनले राष्ट्रिय र अन्तर्राष्ट्रिय क्षेत्रमा धेरै शोधपत्रहरू प्रस्तुत गरेका छन्। हल उनी त्रिभुवन विश्वविद्यालय मानवविज्ञान विभागमा प्राद्यापक छन् ।  

प्रत्येक महिनाको अन्तिम शनिबार हुने कार्यक्रम घेदुङ कोरियाको फेसबुक पेजबाट प्रत्यक्ष प्रसारणमार्फत सुन्न र हेर्न सकिने छ ।

घेदुङ कोरियाले ‘गोतोजि छोर्तोजि’ शृङ्खला गर्दै, पहिलो शृङ्खला संस्कार सम्बन्धी