दक्षिण कोरियामा वृत्तचित्र “आग्रे” प्रदर्शन हुने
नेपाल मगर संघ, गणतन्त्र कोरियाद्वारा वृत्तचित्र “आग्रे” अर्थात The Iron Digger प्रदर्शन गरिने भएको छ । साथै “इतिहासको तुनामा आग्रे“ बिषयमा विमर्श समेत हुनेछ । आगामी सेप्टेम्बर १० मा दक्षिण कोरियाको सुवन सहरको 팔달구행궁로88번지 मा वृत्तचित्रको प्रदर्शन तथा विमर्श कार्यक्रम हुने मगर संघले जनाएको छ ।
मगर कम्युनिटी मिनि अफिसियल लाइब्रेरी द. कोरिया तथा विश्व मगर कम्युनिटी इ-लाइब्रेरी स्थापनार्थ वृत्तचित्रको प्रदर्शन गर्न लागेको संघको अध्यक्ष तुला घरतीमगरले फोनिज कोरियालाई जानकारी दिएका हुन् ।
“प्रदर्शन बाट प्राप्त रकम मगर कम्युनिटी मिनि अफिसियल लाइब्रेरी द. कोरिया तथा विश्व मगर कम्युनिटी इ-लाइब्रेरी स्थापनार्थ प्रयोग गरिनेछ ।” अध्यक्ष मगरले बताए । “सामाजिक उदेश्यले गर्न लागेको यस् वृत्तचित्र प्रदर्शनमा हेर्न नभ्याउने टाढा टाढा रहेका सबैले टिकट लिई सहयोग गर्नुहोला ।” उनले अनुरोध गरे ।
पूर्वी रोल्पाको ससुनछहरी गाउँपालिका ७ जेल्बाङको फलामखानी माथिको कथा वस्तुमा बनाएको यस् वृत्तचित्र मगर जातिको पुर्खौली पेशा खानीमा आधारित रहेरको जनाएको छ ।
वृत्तचित्रमा कथा हाल दक्षिण कोरियामा नै रहेका कवि विष्णु पुन सन्नयासको रहेको छ । निर्देशन भने अनिल बुढा मगरले गरेका छन् । निर्देशक मगर आदिवासी फिल्म फेस्टिवल अमेरिकाबाट ३ उत्कृष्ट पुरस्कारद्वारा सम्मानित भैसकेको छ ।
विमर्श कार्यक्रमका लागि वक्ताको रुपमा निर्देशक अनिल बुढा मगर दक्षिण कोरिया आउने जनाएको छ । कार्यक्रमलाई सहजीकरण भने नवीन सारु मगरले गर्नेछ ।
वृत्तचित्र आग्रेको ३९ देशको फिल्म फेस्टिबलहरुमा प्रदर्शन भाईसकेको छ । साथै दर्जनभन्दा बढी पुरस्कारबाट सम्मानित समेत भएको जनाएको छ ।
कार्यक्रम:
मिति : १० सेप्टेम्बर २०२३
समय : मध्यान्ह १२:०० बजे
स्थान : 수원시 팔달구 행궁로88번지
