एनआरएनको सदस्यता लिने झन्डै पाँच हजार नेपाली

गैर आवासीय नेपाली संघ दक्षिण कोरियाको नौऔ अधिवेशनका लागि सदस्यता लिनेहरुको अन्तिम नामावली प्रकाशन गरेको छ । निर्वाचन समितिले शनिवार गरेको अन्तिम नामावलीमा कोरियामा रहेका ४ हजार ८ सय ७७ जनाले सदस्यता लिएका छन् ।
क्षेत्रगत रुपमा दक्षिण कोरियाको ख्याङ्गीदोबाट १ हजार ६ सय ६१ जनाले सदस्यता लिएका छन् । त्यस्तै सोल क्षेत्रबाट ७ सय ३ जना छन् । ख्याङसान क्षेत्रबाट ९ सय ९ जनाले सदस्यता लिएका छन् । छल्लानाम्दो र छल्लाबुक्दोबाट २ सय ९९ जना छन् । त्यस्तै जेजुबाट २ सय जनाले सदस्ता लिएका छन् भने इन्छन् क्षेत्रबाट १ सय ५६ जनाले सदस्यता लिएका छन् । छुङछन नाम्दो र छुङछन बुक्दोबाट ६ सय १४ जनाले सदस्यता लिएका छन् । त्यस्तै ख्वाङजु ५९ जना, थेजन ५१ जना थेगु १ सय ५६ जना, उल्सान २६ जना, सेजोङ १८ जना रहेका छन् ।
सदस्यता लिएकामा पुरुषको संख्या ४ हजार १ सय ९९ जना छन् भने ६ सय ७८ जना महिला छन् । कोरियामा यो पटकको निर्वाचनमा अहिलेसम्मकै धेरै मानिसले सदस्यता लिएका हुन् ।