एनसीसी कोरियाद्वारा कार्यक्रम बाँडफाँड, छुसकमा चार सस्थाले सांगीतिक कार्यक्रम गर्ने

नेपाली सम्पर्क समिति (एनसीसी) द्वारा सांगीतिक कार्यक्रमको बाँडफाँड तथा अन्तरक्रिया कार्यक्रम सम्पन्न गरेको छ । आइतवार दोङ्देमुन स्थित निक ट्राभलको हलमा भएको कार्यक्रममा आगामी छुसकमा ४ संस्थाहरुलाई सांस्कृतिक कार्यक्रम गर्न दिइने भएको हो ।

यस अनुसार छुसकको पहिलो दिन २८ तारिखमा सुर्खेत समाज दक्षिण कोरियाले कार्यक्रम गर्ने भएको छ । त्यस्तै दोश्रो दिन २९ तारिख सेल्टर स्थापना गर्ने उद्देश्यका साथ मकवानपुर कोरिया मन्च र स्याङ्जा परिवारले सांगीतिक कार्यक्रम गर्ने छ । छुसकको अन्तिम दिन ३० तारिकमा पूर्वाञ्चल सरोकार समाज अन्तर्गत इलामेली समाजले कार्यक्रम गर्ने भएको छ ।

नेपाली सम्पर्क समिति दक्षिण कोरियाको अध्यक्ष हरि प्रसाद खनालको सभापतित्वमा भएको उक्त कार्यक्रममा नेपाली राजदूतावासका नियोग उपप्रमुख पुष्पराज भट्टराईको प्रमुख आतिथ्यता रहेको थियो । एन्सीसीका पूर्व अध्यक्ष लोचन राई, NRNA पूर्व अध्यक्ष लक्ष्मि गुरुङ लगायत कोरियामा रहेका विभिन्न संघ संस्थाका प्रतिनिधि तथा समाजसेवी अगुवा व्यक्ति हरुको उल्लेख्य उपस्थितिमा उक्त कार्यक्रम सम्पन्न भएको हो ।

यसरी एनसीसीको कार्यक्रमलाई सफल बनाउन कोरियामा रहेका सबै संघ संस्था र व्यक्तित्वहरुले साथ र सपोर्ट गरेकोमा संस्थाका अध्यक्ष खनालेले खुसी ब्यक्त गरेका छन । “मैले आश गरेको भन्दा बढी यसरी सबैले साथ र सहयोग गर्नु भएकोमा सवैलाई धेरै धेरै धन्यवाद दिन चहान्छु ।” अध्यक्ष खनालले भने । यसैगरी आगामी दिनहरुमा पनि सवैको साथ र सहयोगले संस्थालाई अज बलियो बनाउदै लैजाने प्रतिबद्धता पनि गरेका छन् ।

लामो गौरवमय इतिहास बोकेको संस्था एनसीसी दक्षिण कोरियामा पुरानो र यहाँ रहेका सबै संस्थाहरुको छाता संस्था हो । विगत देखी नै एनसीसीले यसरी नै छुसक र सलनालमा हुनेसांगीतिक कार्यक्रम बाँडफाँड गर्दै आएको छ । पछिल्लो केही बर्ष भने कोरोना महमारीका कारण यस्तो कार्य स्थगित भएको थियो । कोरोन कहर मत्थर हुदै गएपछि गत वर्ष केही संस्थाहरुले आफ्नै तरिकाले गरेको थियो ।