कोरियाको किम्हे शहरमा ब्लकबस्टर चलचित्र जारी प्रदर्शन हुने
बैशाख १ देखि प्रदर्शनमा आएको चलचित्र जारी कोरियाको किम्हे शहरमा प्रदर्शन हुने भएको छ। मे १४ तारिख सेवारो इन्टरटेनमेन्टले उक्त चलचित्र प्रदर्शन गर्न लागेको हो। चलचित्र दिनको १ बजेदेखि 인제 대학교 को हलमा प्रदर्शन हुने आयोजकले जनाएको छ। 
लिम्बू संस्कारको जारी प्रथामा आधिरित चलचित्रले देश विदेशमा दर्शकको अथाह माया पाइरहेको छ। चलचित्रमा कलाकार दयाहाङ राई, मिरुना मगर, विजय बराल रेखा फागो आदिको अभिनय हेर्न सकिने छ। उपेन्द्र सुब्बाद्वारा लेखन तथा निर्देशन रहेको चलचित्रलाई रामबाबु गुरुङले निर्माण गरेका हुन्।
