आदिवासी जनजाति महासंघकाे विशेष अधिबेशन मे २८ मा हुने
दक्षिण काेरियाकाे जातीय समूदायकाे छाता संगठन नेपाल आदिवासी जनजाति महासंघ, दक्षिण कोरियाको विशेष अधिबेशन मे २८ तारिख आइतबार हुने भएकाे छ । लामाे समय देखि अध्यक्ष लगाएत विभिन्न पदहरू खाली भएकाेले समय अगाबै विशेष अधिवेशन हुन लागेकाे हाे ।
‘अहिलेको कार्यसमितिका अध्यक्ष ब्यक्तिगत कारण नेपाल गएको र फर्किन नसक्ने भएकाले हामीले समय अगाबै विशेष महाधिबेशन गर्न लागेका छौ । अन्य पदहरू पनि खाली छन् । कार्यसमितिमा नयाँ जाेश जाँगर सहित काम गर्न सकिने भएकाेले अधिवेशन गर्न लागेका हाैं ।’ महासंघको कार्यवाहक अध्यक्ष विशन राईले भने । ‘दक्षिण कोरियामा रहेका जातिय संस्थाहरुलाई हामीले मिलाएर लैजाने प्रयास गरेका छौ । यो अधिवेशनमा सबै जातिय संस्थाका साथीहरु आएर सफल पार्नु हुन्छ भन्ने हामीले विस्वास लिएका छौ ।’ महासंघका कार्यवाहक अध्यक्ष राईले थपे ।
सन् २००८ मा स्थापना भएकाे महासंघ काेरियाकाे पुरानाे संस्था मध्यमा पर्छ । अहिले काेरियामा रहेका १२ वटा जातीय समुदायकाे छाता संगठनकाे रूपमा हरेका महासंघले विभिन्न सामाजिक कार्यहरू गर्दै अाएकाे छ । विशेष अधिवेशन मे २८ तारिख बिहान ठीक ११ बजे साेल मेट्राे लाइन ५ काे सदेमुन स्टेशनकाे गेट नं. ५ अगाडी हुने र सबै सहभागीलाई समयमै कार्यक्रम स्थलमा आउन आयोजकले आग्रह गरेको छ ।
