गर्मी बिदाको के छ योजना ?
ऐश्वर्य श्रेष्ठ,सोल-जुलाई अन्तिम अगष्टको पहिलो हप्ता कदक्षिण कोरियाको विभिन्न कम्पनीहरुमा गर्मी बिदा हुन्छ । कोही साथीहरुको जुलाईको अन्तिमबाट होला,कोहीको अगष्ट पहिलो हप्तामा ।
गर्मी बिदा मनाउन योजना र सोच बनाउदैं हुनुहुन्छ होला ।यो एउटा राम्रो अवसर पनि हो साथी भाइसंग भेटघाट गरेर रमाईलो गर्ने ।कोही पिकनिक जाने सोंचमा हुनुहुन्छ होला ।कोही एक ठांउमा भेला भएर जम्ने विचारमा हुनुहोला भने कोही विभिन्न संघसंस्थाको कार्यक्रममा सहभागी हुने विचारमा हुनुहोला ।कतिपय साथीको कम्पनी व्यस्त भएर छुट्टी नहुने अवस्था पनि होला ।
गर्मी बिदाको दिन नजिकीएको बेला कोरियनहरु भने गर्मी बिदामा घरमैं रहने भएको छन् ।ईल्बो चुसनले बताए अनुसार १ हजार युवायुवतीमा गरिएको एक अध्ययनमा ५१.७ प्रतिशतले गर्मी बिदा भ्रमण गर्ने रुची नभएको बताएका छन् ।
एक २६ बर्षीय कोरियन कामदार भन्छन् ‘सोलको एक होटेल बुक गरेको छु गर्मी बिदाको लागि घर र अफिसबाट टाढा बसेर फिल्म हेदैं समय बिताउने छु।’३० बर्षीय कामदार जेजु टापु घुम्ने सोंचमा छन् ।जेजु उडनका लागि टिकट काटीसकेका उनले भने ‘ रिसोर्टमा बसेर वरिपरिका दृश्य अवलोकन गर्नुका छुटटैं मजा छ ।’अर्का एक जना शिक्षक भने आफनो श्रीमानसंग सधैं विदेश घुम्न जाने यसपाली भने घरमा बसेर आराम गर्ने सोंचमा छिन् ।
जब कोरियाले गरेको सर्भेक्षणमा भनिएको छ गत बर्षको तुलनामा गर्मी बिदा मनाउन जानेको संख्या जुलाई र अगस्टमा बढी हुने भएता पनि यो बर्ष २० प्रतिशतले कमी आएको जनाएको छ ।चुंआंग विश्वविधालयकी समाजशास्त्री शिन क्योंग योंग भन्छिन्,’मानिसहरु कामदारलाई कामको चापको कारण र सामाजिक मुल्य र मान्यताबाट टाढा भाग्न चाहन्छ ।’
कोरियामा रहेका विभिन्न संघसंस्थाहरुले पनि विविधि कार्यक्रमहरुको आयोजना गरेर गर्मी बिदा मनाउने भएका छन् ।नेवा पुंच दक्षिण कोरिया र झापा मिलन समाजले अगस्ट २ तारिखको दिन पिकनिकको आयोजना गरेको छ भने सोही दिन किरांत याक्थुम चुमलुंग कोरियाको सुवनमा अधिवेशन हुदैंछ ।
तपाई पनि कोरियाको विभिन्न ठांउको भ्रमण गर्न सक्नुहुन्छ ।सोल,बुसान,जेजु लगायत धेरैं रमाइलो ठाउंहरु कोरियामा छन् जहां तपाई साथी भाइसंग जान सक्नुहुन्छ ।
